بيسألونى عليك..بقلمى(صابر)

موضوع: بيسألونى عليك..بقلمى(صابر) 19/01/11, 06:55 pm

بيسألونى عليك..مابقتش اشوفك ليه..
ويفكرونى بيك..أرد بس بأيه..
كان حب ولآ تسالى..
كان عادى أو كان غالى..
مابقاش يزورك ليه..
ومعاكى أو سيبتيه..

كتر السؤال عنك بيكسرقلبى ويصّحى الآنين..
ماالحقش افوق منك.. ألاقى لوم م اللايمين..
مش عارفه قلبى حيلاقيها منين..
بُعدك ومر آساك.. ولآ همس الشمتّانين..

قلبك بينسى كتير ويقدر ع البعاد..
مايهمهوش خصام ..ومايهموش عناد..
مابقاش بيسأل ابدا على كل اللى فات..
وكأنى بعته مثلا.. او كان ذكريات..
وإن كنت نويت تتغيّر..ماتقوللى عشان اتغيّر..
مش تنسى ف وقت قصير..وتسيب غيرك يتحير..
والحب اللى بشيلهولك..والعهد اللى بصنهولك..
ارميه ورا ظهرى واكمل.. العمر اللى وهبتولك..
لا اتعشم ولا استنى.. ولا طول الوقت اتمنى..
وأرضى إنى اعيش على نارك ارحم من وهم الجنه..
وتشوف ايامك بعدى..وتسيبنى اشوف ايامى..
لا اسهر بدموع على خدى ..ولا اشوف طيفك قدامى..
واللى حيسألنى عليك..
ح انسى إنى افكر فيك..
ولا اقول راحت ايامه..
ولا تصحى فى قلبى آلامه..

» بتكدب عليك..بقلمى(صابر)
» زعلانه عليك..بقلمى(صابر)
» اصبر عليك..بقلمى(صابر)
» انت ده..بقلمى(صابر)
» ليه انا..بقلمى(صابر)