مهما حاولت..بقلمى(صابر)

موضوع: مهما حاولت..بقلمى(صابر) 14/02/11, 04:54 pm

مهما حاولت..مش حتغير قلب اتغيّر شوقه إليك..
مهما حاولت..مش بالساهل إنى اتساهل وارجع ليك..
مهما عملت..كانت غلطه لايمكن حرضى افكر فيك..
انت اخترت..وانا قررت..اعمل كل اللى حيرضيك..
حتى ان كان على آلمى وراحتى..
وافضل بعد غرامك وحدى..
انت اخترت..مهما عملت..مش حتلاقى مكانك عندى..
حتى إن كنت..مش حاسس بحياتك بعدى..
مش حتحس..ولا إحساس حيجيلك بعدى..
مهما حاولت..

كنت بشوفك بكره وبعده وقلبى وحبه..
قلبى اللى بقيت تكره وعده وتكره قربه..
وتدورله على اعذار..
تبعد بيها بستهتار..
ولا همكش إن انا بنهار..
ولا إنك تلعب بالنار..
مهما عملت مالكش رجوع..ولا يسمح قلبى الموجوع..
اللى مليته آهات ودموع..وكفايه كان فيك مخدوع..
انت اخترت.. مهما حاولت..مش حتلاقى حياه ولا روح..
سيبنى وروح.. مهما عملت..مش مستحمل قلبى جروح..
مهما حاولت..قفل الباب بين قلبى وبينك..
انت اخترت..جبت عذاب غطى على سنينك..
وبقينا اتنين اغراب..لا حبايب ولا حتى صحاب..
واحد فيهم كان كداب..والتانى من غدرك تاب..
مهما حاولت..انت اخترت..
وانا فكرت.. قبل ماارد عليك قررت..
مش حتغير قلب اتغيّر شوقه اليك..
يمكن لسه..ويمكن ينسى يفكر فيك

» انت آسف..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)