انت كدبت عليه..بقلمى (صابر)

موضوع: انت كدبت عليه..بقلمى (صابر) 25/02/11, 07:13 pm

انت كدبت..
وانا صدقت..
حبيتك أول مابدأت..
أنت كدبت..
وانا صدقت..
بوعودك ليا اتعلقت..
ورسمتلى ف الجنه قصور..
ومليتلى بالكدب بحور..
وبنيتلى بالوهم جسور..
مبهوره ..اسمع وتقول..
خليت منى اميره بالزور..
طيرتنى بجناح مكسور..
وسحرتنى من غشك فيا..
وخدعتنى وضحكت عليا..
كل دقيقه تقول امنيه..
وانا اصدق من حسن النيه..
وانت كدبت عليه..

ألف خساره على الايام..
مش ندمانه على الاحلام..
انا ندمى بيكبر علشان..
عشّمنى بأمل وحنان..
وطلع خاين مش إنسان..
خلا الحب يكون عنوان..
والقصه كلها احزان ..
ولا شفتش إلا الحرمان..

كداب فى عواطفه وإحساسه..
كداب ف شعوره وإخلاصه..
وسقانى المر اللى ف كاسه..
باع الحب وكان مش ليا..
واتغيّر وانا كنت ضحيه..
كل دقيقه يقول امنيه..
وانا اصدق من حسن النيه..
وانت كدبت عليه..

تكدب ليه على قلب يحب الحب معاك..
بالحنيه مش بآسيه اتمناك واتمنى هواك..
تظلم ليه إحساس كان فيا بيتمناك..
واستغنيت عن قلب هديه ع الحلوه والمره معاك..
انت كدبت.. وانا صدقت..
لا اتهنيت.. ولا حتى لحقت..
بحبال دايبه ..اتعلقت..
آخرتها ..على قلبى وقعت..
لا لقيت سما ولا حتى الارض..
انت كدبت..
وانا صدقت