كل يوم..بقلمى(صابر)

موضوع: كل يوم..بقلمى(صابر) 03/03/11, 08:00 am

كل يوم

كل يوم عتاب ولوم..
لكن بسامحك كل يوم..
بين ضميرى أقول بحبك..
واخلق الاعذار واسامحك..
واشوف سبب يخلى قلبك..
ينسى بيه إخلاص حبايبك..

كل يوم اطلع من الاعذار بعذر..واغفر واسامح..
كل يوم اقول انا اللى عليا وزر..غير ذنب إمبارح..
كل يوم اختار لنفسى كلمه ترضينى واصالح..

برضى اسامحك جوه ف نفسى.. ومنّى لنفسى بمليون عذر..
وبوهم نفسى بحاجات نفسى.. اصدق بيها وملهاش حصر..
واقول لو يقدر.. مش يتأخر.. وأكيد عنده أعذار اكبر..
لو كان يقدر.. مش ح يفكر.. قبل الليل مايمسى ح يظهر..

يوم والتانى بنفس الحال..
وانت لاجيت ولا حتى سؤال..
انا ادورلك على اعذار..
وانامش بخطرلك على بال..

كل يوم بأمانى جديده..
وانت حياتك عنى بعيده..
بس القلب مابيصدقشى..
فاكر انه عليك مايهونشى..
بيقول عنك مابتكدبشى..
وانت بتكدب قبل ماتمشى..

بخدع نفسى بستسلام..
وبسمى فراقك دا غرام..
وبسامحك على قد مابقدر..
وبعيش على حبة اوهام..
كل يوم