كان من حقك..بقلمى(صابر)

موضوع: كان من حقك..بقلمى(صابر) 04/03/11, 07:39 am

كان من حقك..
لمّا انا كلى كنت بتاعتك..لمّا حياتى كانت ملكك..
كان من حقك..
لمّا وجودى كان من عندك..لمّا مصيرى كان بأشارتك..
كان من حقك..
لمّا قرارى كان من حقك..لمّا انا كنت اللعبه بتاعتك..
كان من حقك..
لمّا سعادتى كانت حبك..لمّا شعورى كان من قلبك..

كان من حقك لمّا انا كنت كمان من حقك بأستمرار..
وقت ماكنت بحايل واصبر ليل ونهار..
كان من حقك تظلم فيّا وتعمل جنّه وتعمل نار..
وقت ماكنت بتقتل فيّا بأستهتار..

كان من حقك تحرمنى أو تسعدنى..
كان من حقك تحيينى وتموتنى..
كنت بتبعد وتعذبنى وانا بنهار..
وبيحلالك لمّا تسيبنى وكلى مرار..

كان من حقك..تمللى شروطك طول ماانا جنبك..
واللى يحبك..يقبل بالذل اللى ف قربك..
كان من حقك تتحكم ف عواطفى براحتك..
واللى يخالفك..لا ح يرتاح ولا يعرف فرحك..

بس خلاص مابقاش من حقك..
تفرض على إحساسى أوامرك..
وتعيشنى العمربأمرك..
قلبى خلاص ارتاح من امرك..
ولا يخضعلك تانى ف عمرك..
كان من حقك..
بس خلاص مابقاش من حقك..
ولا إحساس فاضل من حقك

» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» انت ده..بقلمى(صابر)