أوعى تنسى..بقلمى(صابر)

موضوع: أوعى تنسى..بقلمى(صابر) 17/03/11, 06:14 pm

لمّا تنوى تسيب وتمشى أوعى تنسى جراح وراك..
خلى قلبك لمّا يمشى يمحى كل أثار آساك..
واللى حبك واشتراك..
روح وسيبله نار هواك..
هوه يستاهل بعادك..
هوه يستاهل جفاك..
لمّا كان ساهل معاك..
لما فرحه كان رضاك..
روح وسيب الحب وانسى..
يمكن ارتاح لما تقسى..
واوعى تنسى جراح وراك..

اللى ادالك قلب تحبه ماتجرحهوش..
كان مش ذنبه يحبك وانت ماحبتهوش..
قبل ماتمشى اتأكد إن ماسيبتش سهم..
يقسم قلبه ويصحيه من أجمل حلم..
اللى يحبك مش حيفكر يقسى عليك..
ولا ح يحاسبك ولا ح يلوم ويعاتب فيك..
ولا يتجرأ مره ف عمره يدعى عليك..
كان يستاهل علشان حبك ولوحديك..

أوعى تسيب تذكار مجروح..
وتسيب نار وعذاب وجروح..
خليك ذكرى ترد الروح..
وتكون فكره منين ماتروح..
تسحب دمع العين لفراقك..
مش على قلب يكون مدبوح..
لمّا تنوى.. أوعى تنسى وراك جراح..
أوعى تمشى.. وناس بتندم ع اللى راح..
ريح القلب اللى حبك..
قبل ماتفكر ترتاح

» لو كنت زيك..بقلمى(صابر)
» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)