ح اتمنى ايه..بقلمى(صابر)

موضوع: ح اتمنى ايه..بقلمى(صابر) 21/03/11, 11:45 am

ح اتمنى ايه..

مش حيصادف قلبى هواك ف حياتى كتير..
هوه القلب يعيش كام مره حب جميل..
فين العمر اللى ح يتحمل حب كبير..
ويعيش تانى نفس القصه بالتفصيل..
اللى يحبك يفضل طول ايامه أسير..
لو مع غيرك مش حيشوف نفس التأثير..
ولا يتهنى.. ولا يتمنى..
ولا يبقاله جناح ويطير..
ولا يتألم.. ولا يتعذب..
ولا يزعل ويلوم ويغيير..
يبقى محبش حب كبير..
ح اتمنى ايه.. اجمل من حبك واللى أنا فيه..
حبك دنيا..ح اتمنى ايه..

على قد مافيك م العند ومش بيهمك اى عزيز..
وف ثانيه تثور وتهد وبرضه ف ثانيه تبيع برخيص..
على قد الخوف من غدرك لما بتقلب ولا تبقيش..
انما للحق بقولها زى حنانك برضه مافيش..
ورضاك وقت الحنيه مايوصفهوش ولا أى كلام..
حتى آما تعاند فيا عنادك كله جمال وغرام..
وبحس الدنيا دهيه بقت مش هيه وحلم منام..
وبشوف الكون ف عينيه جميل حواليا ولا الاحلام..
ببساطه حبك ليا مع الحنيه بيبقى تمام..
وبيمسح أى آسيه وبينسينى أى خصام..
ح اتمنى ايه..أجمل من حبك واللى أنا فيه..
ح اتمنى ايه ..
غير كده دا حرام..
حبك وع الدنيا السلام

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)