حاول يمكن..بقلمى(صابر)

موضوع: حاول يمكن..بقلمى(صابر) 22/03/11, 05:40 pm

حاول يمكن..

أأسيه عليا..واقوله اللى بينّا حب ماكنش ليا..
إرجع عيش حياتك.. واوصل ف اللى فاتك..
انا مش ح ابقى هيه..

مهما تغيّر فيا..وتلّون ف عينيه..
مش ح اسمح لخيالك ابداً إنه يغيّر فيا..
انا مش ح ابقى هيه..

ماتشوفنيش صوره انت حاططها فوق برواز..
تغضب منى اروح مكسوره لإنى إزاز..
انا روح عايشه ف وسط الناس..
ليا مشاعر.. وبإحساس..

مش ح تشوف على وشى سراب..
ان كان صادق.. او كداب..
ولا ح تقابلك مره عينيه بنظره تكون ليها ومش ليا..
ولا تلمس ف إيديها ايديه..
ولا تلمح فستانها عليه..
ولا صوتها ح يتكلم فيا..

مش ممكن تعمل تمثال..ولا ح تغيّر من إنسان..
شعرى بحبه يكون على راحته..
برتاح أوى لو إيدك تحته..
مش ح اتغيّر لو قصرته ..
ولا باللون اللى انت اخترته..

ح افضل زى مابعرف نفسى.. مش زى ماتتمنى أكون..
ولا ح ارضى اغيّر من نفسى..إقبل بيّا زى مااكون..
مش حتلاقى فيا حبيبه كنت بتحلم بيها زمان..
لو راح اطاوعك ابقى غريبه تمثال بس ومش إنسان..

حاول يمكن ماتضيعش وجود وكيان..
حاول يمكن ماتغيّرش صفات إنسان..
وإنسى زمان مع عشق زمان..
ارجوك ممكن..
حاول يمكن

» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)