انتى اللى ابتديتى..بقلمى(صابر)

انتى اللى ابتديتى..وبعدتى وبقيتى..
واحده مش حبيبتى..
بعتينى ونسيتى.. وكسرتى ورميتى..
قلبى ورحتى غيبتى..

وقدرتى تسيبينى..وقدرتى تخونينى..
قاسيه وخلتينى.. اكره حتى نفسى..
قلبك اللى طاوعك ..ع القلب اللى حبك..
انا علمته يعشق.. انا سكنته جنبك..

انا هزيت فؤادك.. انا حليت حياتك..
صحيتلك شعورك ..علمتك آهاتك..

انتى اللى ابتديتى.. وبدأتى النهايه..
ضيعتى ونسيتى.. من فضلك كفايه..
سيبى الذكريات.. شاهد ع اللى فات..
تبقى ذكرى باقيه.. م الحب اللى مات..

نسيتى وخلاص..كفاياكى خلاص..
سيبى الباقى عايزوا.. عمرى راح بلاش..

انا محتاج حياتى.. حتى بقلب فاضى..
والحب اللى عشته.. انا سميته ماضى..
عمرى مره واحده..ضاع من مره واحده..
كنت بحب واحده..نسيتنى خلاص..

انتى اللى ابتديتى..وغدرتى ونسيتى..
بكره قلبى يقدر..ويقول اتنسيتى..
مش راح اعيش لحبك.. ولا ح استنى جنبك..
خلصت الحكايه..
انتى اللى ابتديتى.. مش عايزك معايا