مش قلنا خلاص..بقلمى(صابر)

موضوع: مش قلنا خلاص..بقلمى(صابر) 11/04/11, 11:30 am

مش قولنا خلاص ..
واتهد الحلم.. وضحيت بيه..
على أى اساس..
راجع من تانى.. وعايز إيه..
فكرك ح اتحمل تانى الجرح اللى تصحيه..
وتهز كيانى وترجع تانى تحطم فيه..
قلبى مهوش لعبه تكسرها ..
وفراقى مهوش كلمه تقولها..
اللى يفكر يوم ينسانى..
يتحمل ناره اللى عملها..

انت اللى اخترت تسيب وبديت..
قلبى مافكرش يقوللى نسيت..
واستنى يشوف اخرة كبرك..
ودى اخرتها.. إنت اللى بكيت..

مش ممكن ح اقبل اعذارك..
ولا ح ارضى اعيش تانى بنارك..
واسمعنى ف كلمه بقولهالك..
مش قولنا خلاص.. وانت اللى بديت..

قلبك كان قاسى ف احكامه..
وصمد وانا بضعف قدامه..
عارف إن حياتى غرامه..
وسابك تتحدى وتبعدنى..

كنت ف اولها يوماتى بموت..
واتمنى وبدعى إن انت تعود..
واسأل عن قلبك مش موجود ..
هجرك وفراقك موتنى..

دلوقتى رجوعك إيه معناه..
غير فتح الماضى اللى قفلناه..
ونجدد ليه فى زمن سيبناه..
وغرام بأيدينا موتناه..

مش قولنا خلاص..
والماضى إنداس..
ارجعلك ليه ..
على أى اساس..
مش قولنا خلاص

» ح نكمل ولا خلاص..بقلمى(صابر)
» ليه انا..بقلمى(صابر)
» قلب مين..بقلمى(صابر)
» انت آسف..بقلمى(صابر)
» من بره بس..بقلمى(صابر)