اسمع كلام جدتك واوعى تنسى اسمك

[[size=18]center[color=blue]]يارب تنجح يا نون يأبن ابنى وأشوفك دكتور قد الدنيا
ياستى بس أنا فى تجارة
_ وماله يابنى هو يكتر على ربنا . . . ده ربنا قادر على كل شئ
ياستى ونعم بالله بس اللى بيطلع دكتور لازم يكون فى كلية الطب مش التجارة
_ ياللا تجارة . . ومالها التجارة . دى حتى التجارة شطارة . ده الله يرحمه جدك كان تاجر فى الوكالة أد الدنيا
: ياستى التجارة اللى فى الوكالة حاجة واللى فى الكلية حاجة تانية .
_ على العموم شد حيلك أنت وأنا أخلى جدك ياخدك معاه الوكالة عشان تتدردح وتتودك فى السوق
: جدى إيه اللى هايخدنى معاه . ده جدى مات من زمان ياستى
_ يامصيبتى عبد الواحد مات . ياحبيبى ياأخويا . مكنش يومك ياسبعى
: ياستى ده مي من تلاتين سنة
_ تلاتين سنة . ده العمر بيعدى ياولاد . تصدق ولا حسيت بيهم . يالا مات مات فى داهيه . قطع وقطعت سيرته . كان بخل الدنيا فيه
ده ماعمره مادخل عليه بحاجه ولا حتى كيس جوافة
: يا ستى حرام عليكى عاوز أذاكر بقى
_ يوه وأنا ماسكاك ياوله . ذاكر ذاكر عشان ربنا يكرمك وتنجح وتاخد الدبلون
: ياستى دبلون إيه أسمه البكالوريوس
_ أنت هتضحك على ياوله اسمه الدبلون . الواد أبن فايزة جدع زيك كده فى مدرسة التجارة وخد الدبلون
:
خلاص دبلوم دبلوم ياستى سبينى أنا بقى عشان أذاكر
_ تعرف ياواد . ندر عليا يوم ماتنجح لأكون رايحه خاطبالك عبير بنت رئيسه . دى أيه ياواد . أدب وأخلاق وعلام كمان
:
ياستى عبير دى معاها إعدادية
_ وماله يابنى . الرجل ميعبوش إلا جيبه
: راجل . راجل مين ياستى . عبير دى بنت
_ عبير . عبير مين ياوله أنت بتعرف بنات من ورانا
: أبوس رجلك ياستى أرحمينى عاوز أذاكر
_ طب ذاكر . ذاكر جتك نيله وأنت طالع براوى كده زى امك . قطعت وقطعت سيرتها
أنا مش عارفه أبوك كان أجوزها على أيه . حكم
قال لبس البوصة تبقى عروسه . بس والنبى يكون مفشكلاله الخطوبة دى وأخطب له أنيسه بنت اختى

: ياستى خطوبة أيه أبويا مجوز امى من خمسه وعشرين سنة وبعدين أنيسه دى بنت اخوكِ مش بنت أختك
واساسا انتى ملكيش إخوات بنات
_ صحيح ياوله . أنت عندك حق أنا مليش إخوات بنات أصل أنا امى مكنتش تخلف صبيان
: حرااااااااااااااااااااااااام ستى ماتطلعى البلكونة شوية . ده الهواء حلو بره
_ لا ياأخويا فى جدع كده حليوه وشعره مسبسب فى البلكونه اللى فى الوش بيقعد يعاكسنى
: خلاص روحى المطبخ . أهو امى زمانها خلصت الأرز
_ رز أيه يابنى هو انا ليه سنان للرز . أنا هطلع البلكونه أحسن
: طب أبقى خلى بالك من الهوى ياستى
_ هوى لما يلطشك
: وأخيرا خرجتِ وقدرت أذاكروفضلت أذاكر وأذاكر
وتانى يوم الأمتحان جاء كويس وحليت كويس جدا
لكن للأسف المراقب سحب منى الورقة قبل ما أكتب أهم حاجة فيها
ياترى أنا كمان أسمى أيه
ياترى كان أسمى أيه

]https://servimg.com/view/12786369/256] اسمع كلام جدتك واوعى تنسى اسمك Get-8-18