اسكالوب بانية و مكرونة بولونيز مع سلطة طحينة وشراب العرقسوس

بالنيابة عن الأخ صابر
اللى الانترنت ضايقة جدا النهاردة زى ما بيضايقنى دايما
انا بنزلكم
العزومة اللى هو كان محضرها لتانى ايام رمضان
وهو الموضوع بتاعة بس انا بنشر بالنيابة عنة

اهلا بيكم فى مطبخنا مطبخ احلام بنوته النهارده ح نقدم اصناف
جديده لان غالبا معظمنا فى رمضان مش بيحب بواقى الطعام المتبقى
والصائم بيحب صنف غير بتاع الامس علشان كده بنقولك دايما تكون كميات طعامك اللى بتجهزيها معانا فى مطبخ احلام بنوته تكون على قد يوم واحد فقط
اليوم بنقدم

المكرونه الاسباكيتى باللحم المفروم والجبن الرومى + اسكالوب بانيه + سلطه طحينه
والحلو
شراب العرقسوس

ياللا بينا

اسكالوب بانيه

المقادير :

واحد كيلو لحم فلتو
بقسماط ( قرانيتا )
ملح وفلفل
2بيضة
فنجان دقيق

_ الطريقه :

يقطع اللحم الفلتو شرائح غليظه نوعا ما ويفضل ان تشترى عرق الفلتو كاملا بعد التنظيف
وغالبا مايكون وزنه يتراوح بين 2 الى 3 كيلو واحتفظى بالباقى فى تلاجتك لاننا سوف نستخدمه فى اكلات اخرى مشهوره
مثل الفيليه العادى او الميثون وانصحك بعد استخدام اى قطعه لحم اخرى فى هذه الاصناف التى ذكرتها فانها لا تفيد علاوه على ان اى قطعه لحم غير الفلتو عندها قابليه الكش من النار
اى تضمر وتلم ماعدا الفلتو لا يتاثر بالتسويه ولا ينقص حجم قطعه اللحم ابدا مهما فردتيها
ولعمل اسكالوب البانيه لابد ان تفردى شرائح اللحم الغليظه الى اكبر حجم ممكن واقل سمك ممكن وذلك بالدق عليها فوق الارمه سواء الخشب او البلاستيك باستخدام بطن سطور لو عندك او اى ثقل مسطح حتى تفرد معكى
خاصه وان الفلتو اسرع قطعه لحم فى اللحوم تستوى على النار بعد فرد القطع الى اكبر مستوى ممكن تغمس فى الدقيق حتى تتلون من الوجهين بعدها نغمسها فى بيضه مضروبه مع ملح وفلفل وبهارات وجوزة الطيب لو عندك
ثم تغمس بعد ذلك فى البقسماط ويراعى ان تغطى تماما بطبقه البقسماط من كل الجوانب بعدها تكون مستعده للتسويه فوق النار
فى طاسه التحمير واعلمى ان الطريقه المسلى للتحمير هى استعمال زيت + سمن لكن حرصا مننا على الصحه العامه ننصح باْ ستخدام الزيت فقط
وبعد التسويه على الوجهين ترفع من الزيت وتترك لتصفى
_ لطريقه عمل البقسماط فى المنزل ( القرانيطه ) خذى هذه الوصفه عمليه وموفره لست البيت
: اى قطع خبز عندك اجمعيها وضعيا داخل فرن البوتاجاز بعد اشعاله حتى تصل لمرحله التحميص وليس الاحمرار بعد ذلك تكسر قطع صغيره وتطحن فى مطحنه الكبه او الخلاط يضاف لها قليل من الملح والشطه وتعباْ فى اناء زجاجى للاستعمال عند اللزوم
افضل واجمل وانقى من عبوات السوق وتضيفى لها البهارات عند الاستعمال

المكرونه الاسباكيتى باللحم المفروم والجبن الرومى

المقادير

_2كيس اسباكتى اى 800 جرام + نصف كيلو لحم مفروم + نصف كيلو طماطم + جبن رومى مبشور+ + بهارات
الطريقة:

لعمل الاسباكتى تغلى الماء فى اناء يكفى الكميه مع قليل من الملح ونقطه زيت ثم تضيفى المكرونه مع التقليب البطىء
حتى تمام النضج تصفى وتشطف بالماء وتترك داخل المصفاه للتسخين عند التقديم
لان التسخين بيكون بطريقه حمام البخار اى يوضع اناء به ماء تحت المصفاه ويسخن عليه البخار يقوم بعمليه تسخين المكرونه لتقدم ساخنه عند الطلب
بعد ذلك يعصج اللحم المفروم وتضاف اليه صلصه الطماطم والبهارات حتى تمام التسويه ويجمل سطح طبق الاسباكتى باللحم المعصج والصلصه
ثم يرش الجبن الرومى المبشور

سلطة الطحينة

لعمل سلطه الطحينه ضعى الكميه التى تلزمك فى الاناء مع قليل من الزيت والخل والملح والكمون والبهارات والثوم المهروس مع فلفل اخضر ويفضل كميه من الماء الساخن وليس البارد صغيره جدا
ويقلب الخليط حتى التماسك ممكن ان تضيفى عصير الليمون ممكن ان تجملى السطح بمفروم البقدونس
او برش قليل من الكمون

شراب العرقسوس

المقادير

كميه تكفى اربعه اشخاص : 6 ملاعق كبيرة مسحوق العرقسوس
ملعقه صغيره بيكربونات الصودا
( كربوناته )
قطعه من الشاش

الطريقة:

يوضع المسحوق فى اناء ويضاف اليه كربونات الصودا وقطرات تنسيم من الماء ويعجن ثم يترك نحو ساعه او اكتر للتخمير
بعد ذلك يعباْ المسحوق المخمر فى قطعه الشاش وتربط جيدا حتى لايتسرب منها فى الماء
توضع قطعه الشاش فى اناء كبير نوعا ماء ويضاف اليها كميه ماء حوالى لتر ونصف ويترك من 4 الى 5 ساعات
نصفهم الاخير داخل التلاجه ليبرد ويقدم بعد الافطار مهضم ومفيد للصحه العامه ارجوا ان لا اكون اغفلت شىء عموما اى استفسار او ايضاح خاطبونى على المنتدى وبالهنا وصوم مقبول

شكرا استاذه دريم كان عندك بعد نظر فعلا مدير عام ويجب احتفاظك بكل المواضيع وارجوا التنويه ان حل الفوازير عندك مش عندى لان اخوه ارسلول الحل عندى وشكرا مجددا

الله تسلم ايدك

يارب عامر ديمااااااا

شكرا لمى على المرور

شكرا مروى

تسلم الايادى

» مكرونة الدجاج بالفرن
» مكرونة بالباشاميل بالصور المتحركة
» سلطة فطر المثلثات
» سلطة المشمش بالزبادى
» سلطة الحمص بالطحينية