ليا حق..بقلمى(صابر)

موضوع: ليا حق..بقلمى(صابر) 24/05/12, 02:55 pm

ليا حق

ليا حق.. واوعى تنكر..
انى بتحمل آساك..
يعنى صابره..اكتر مايمكن..
عمرى مابقى معذباك..
قلبى يسكت.. مهما تعمل..
برضه عايش من رضاك..
ليا حق.. وصابره يمكن..
اتنصف مره ف هواك..

وبهون بالحب عليا ..
كل عذاب وياك و آسيه..
يبقى المر جميل وياك..
وبضيع ف حقوقى معاك..
ليا حق..
وبرضه بتحمل آساك..

ليه تحرمنى لحظة قرب..
واشحت منك كلمة حب..
تبعد عنى وبُعدك صعب..
متهيألك حبنا ذنب..

انا من حقى عليك تسمعنى..
هيه سعادتى تعباك يعنى..
ازاى احسك وبتنسانى..
وابقى سعيده مع حرمانى..
ليا الحق فى كل مافيك..
ومالكش الحق ف احزانى..

انا بفهمك لما تفكر..
احساسى بيك يمكن اكتر..
من اى حد تشوفه عينيك..
او قال بحبك..او يقدر..

قلبى اشتكى ظلمك ليا..
وانت مش سأل فيا..
وليا حق بطالب بيه..
فيا قلب كدبت عليه..
اوعى تنكر ليا فيك..
احساسى عايزك مش لقيك..
وبيفضل يتمنى لقاك..
ليا حق..
وبرضه بتحمل آساك