كله منك..بقلمى(صابر)

موضوع: كله منك..بقلمى(صابر) 01/06/12, 01:40 pm

كله منك

لسه بتكابر وتنكر..
والهوى بيجرى ف عروقك..
ولا انا غلطان ويمكن..
ظنى وهم ومش دا شوقك..
واللى فيك دا مش غرامى..
حلم بيجيلى ف منامى..
وانت يعنى نسيت وبايع..
وانا بكدب فى كلامى..
مش محبه دى اللى فيك..
وانا بتجنى عليك..
طب واجهنى..
وقول كرهتك..
بص ف عينيا بعنيك..
وانا اصدق..
وابقى بعتك..
عشان احقق رغبه ليك..
كنت بسمع..
وانا جنبك..
عمرى ماتغريت عليك..
لو فراقى..
يكون دا طلبك..
ح اعملوا وابعد عليك..
كنت دايما..
تحت امرك..
وانا عمرى بين ايديك..
واما اسيبك..
وارضى قلبك..
برضه دا من حبى فيك..
يعنى مش ح اغصب تسيبنى..
جوه قلب مش حاببنى..
لو نويت انك تغير..
وعمر حبى معاك قصير..
انصحك واجه وقول..
وانا ح ابعد على طول..
يومها ح اعرف انى صونتك..
وافرح انى مايوم ظلمتك..
وابقى عارف كلو منك..
لما حبيتك بأمرك..
حتى لما بعدت عنك..
كلو منك..
كله منك

» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)
» قلب مين..بقلمى(صابر)
» ليه انا..بقلمى(صابر)