من غدرك انا بتمنى انساك..
وابعد عن قلبك وانا بهواك..
وانا لسه ف بالى حياتى معاك..
وبعاتب روحى عشان فكراك..
دا لانى ماشفتش من حبك غير الحرمان..
بسأل واستفسر نفسى اعرف..
وصفة نسيان..
بفتكرك كل ما بتكلم..
بفتكرك حتى اما اتألم..
لما اضحك..او وانا قعده ابكى..
لو بحلم.. ولا بقول و اشكى..
وانا وسط الناس.. ولا لوحدى..
سهرانه.. ودموعى على خدى..
لو كان ده الحب انا مش عايزاه..
مين غير مااحكى توبت و كارهاه..
الحب معاك يبقى استعباد..
طب مين على كده عنده استعداد..
لاء من فضلك خلينا بعاد..
ونعيش على ذكرى غرامنا زمان..
واكبر وانا فاكره هويت انسان..
واتمنى يضيع منى العنوان..
بسأل واستفسر نفسى اعرف..
وصفة نسيان..
تتشال ازاى من بين روحى وتطلع من قلبى ازاى..
انسى غرامك.. ولا جروحى.. والماضى ولا الجاى..
والعمر اللى انا حبيتك فيه..
والقلب اللى انا خبيتك فيه..
شوف راح كم سنه وانا عايشه عليه..
ساكن قلبنا ونكبر فيه..
وحياة ربنا..مش قادره امحيه..
بهرب م النوم علشان محلمش..
جربت انام ..بس ما بقدرش..
ايه يمنعنى.. انسى مفكرش..
وابعد عنك.. واقدر ماسألش..
بكبر وانا فاكره هويت انسان..
واتمنى يضيع منى العنوان..
بسأل واستفسر نفسى اعرف..
وصفة نسيان..
من كتر ماغدرك زاد ع الحد..
وجرحت القلب اللى مالوش حد..
رغم ان انا كنت بحب بجد..
ووهبتك حب يفوق الحد..
احساس مش ممكن ح تقابله..ف بشر ع الارض..
ولا صادفوا حبايب اتقابلوا ..لو ماتوا ف بعض..
معملتش غلطه واستاهل..تغدر وتبع كده بالساهل..
انا كنت بحبك واتساهل.. فى حاجات توجعنا وتستاهل..
بكبر وانا فاكره هويت انسان..
واتمنى يضيع منى العنوان..
بسأل واستفسر نفسى اعرف..
وصفة نسيان