ح نكمل ولا خلاص..بقلمى(صابر)

موضوع: ح نكمل ولا خلاص..بقلمى(صابر) 27/06/12, 11:22 am

ح نكمل ولا خلاص

ح نكمل ولا خلاص..بقلمى(صابر) 100zz

ح نكمل ولا خلاص مليت..
وشبعت غرورك واستكفيت..
ما وصلت لقلبى اللى ملكته..
ياما كنت تحايل واترجيت..

مش طولت الحلم اللى ف نفسك..
اللى اتمنيته وكان نفسك..
تجمع بينا لحظة احساس..
دلوقتى بتبعد من نفسك..

مش ح افضل عمرى احايل فيك..
واقتل احاسيسى عشان ارضيك..
كل اللى جرالى كان بأيديك..
بس استحملت وصابره عليك..

لما اتمكنت بتتغير..
وبتبعد عنى وبتحير..
فاضل من عمرى وعمرك كام..
مهما حيطول برضه قصير..

ان كان على بُعدك ح اتحمل..
وح اكون جامده زى الاول..
وتشوف نفسك منى استكفيت..
ولا محتاج لى وح نكمل..

الحب دا وهبه مش استعباد..
ونحسه ازاى لو كنا بعاد..
اسأل قلبك لو حيكمل..
لو كان لسه عنده استعداد..
لسه ف قلبك نفس الاحساس..
ح نكمل ولا خلاص

» مش قلنا خلاص..بقلمى(صابر)
» كل يوم..بقلمى(صابر)
» ليا حق..بقلمى(صابر)
» كان من حقك..بقلمى(صابر)
» انت ده..بقلمى(صابر)