موضوع: عملت فيا ايه..بقلمى(صابر) 12/07/12, 07:57 pm
عملت فيا ايه
عملت فيا ايه..وصلتنى وياك لفين.. آخرة دا كله ايه..بتحبنى..وبتحب مين.. علمتنى اكبر واكون.. وارسم واكحل العيون.. علمتنى لحد الجنون.. ورحت تتعلم تخون.. عملت قلبى دولاب يخبى.. ادارى فيه سرك وحبى.. وكان عاجبنى انى اعشقك.. فى كل حاجه بصدقك.. واموت وانا نفسى الحقك.. وفضلت ملكك من يوميها.. حبيبه تحتاجها تلاقيها.. تتحدى كل الدنيا بيها.. وطيبه ..تكدب عليها.. عملت فيا ايه.. فضلت تتغير وانا لسه ف مكانى.. لا عارفه اتغير ولا اعرف حد تانى.. من يوم ماقلبك جه وندانى.. وانا لك لوحدك.. ياانانى.. بس انت قلبك مش عشانى.. استنى ريحتك بالساعات.. بدموع عينيا اصبح وابات.. عملت فيا ايه.. علمتنى حبك وانا.. طيرت بيه.. مع ان عمر الحب مافكرت فيه.. شوف كنت بحفظ فيك واحبك قد ايه.. كل همسه.. وكل حرف نطقت بيه.. خلتنى ليه دلوقتى بتندم عليه.. بتمنى ارجع قبل منك.. وانفصل بحياتى عنك.. نفسى اتجرأ ف مره.. ليه صعب ابقى مستقله.. هوه تأثيرك ف عمرى للابد.. ولا يعنى هواك دا قدرى اللى انكتب.. عملت فيا ايه.. دخلت عمرى ليه.. وصلتنى وياك لفين.. بتحبنى وبتحب مين.. آخرة دا كله ايه.. عملت فيا ايه
موضوع: عملت فيا ايه..بقلمى(صابر) 
12/07/12, 07:57 pm
