زائر
زائر
 |  موضوع: إعدام .. شاعر حروفي دموع  12/09/08, 07:03 pm | |
|
النهاردة جايبلكم حاجة من كلماتي
وطبعا باللغة العامية
لأن أروع ما في الشعر إنة يطلع من القلب ليدخل القلب
من غير كلاكيع ولا مسطلحات تودي في داهية
يا رب تعجبكم
وأشوف ردودكم
أكمل كتابة
ولا أكمل كتابة
------
أعـــدام عاشــق
سألوني الناس0000
هو انت لية مش زينا
حسسنا انك مننا
امشي في طريقنا
اجري وسابقنا
وخلي همك همنا
وقولنا00لية بس تبعد عننا00
هأقولكم000
ما اقدرش ابقي زيكم
ما اقدرش اغدر وانتوا دايما غدارين
ما اقدرش اكدب وانتوا دايما كدابين
ما اعرفش ازيف في الحقايق
وانتوا زيفتوا السنين
سيبوني وحدي حتي لو عايش حزين
الحزن دة ارحملنا
انا قولت ياما
وكلامي دة ما عجبش حد
قالوا دة مجنون
وجنانة عايز الف حد
يتشد شد ويتصلب 00يتهد هد
قالوا كفر
قالوا استحالة يكون بشر
لازم جاسوس
ارهابي عابد للفلوس
قتال نفوس
دة شيطان وساكن في البيوت
لازم يموت00لازم يموت
ايدنا موتة كلنا
قلت افهموا
هاقول دفاعي وبعدها ابقوا احكموا
قالوا خلاص
اصل احنا جهزنا القرار
مزنب ولازم تتشنق
اول ما يطلعلك نهار
وفضلت مستني النهار
مظلوم وطال الانتظار
حسيت بمعني الانهيار
والانكسار0000
وانا لسة مستني النهار
وحدي هنا
ومن بعيد سمعت صوت
وصرخة هزت في البيوت
ازاي يموت
سيبوة في حالة دة كان بريء
رحال00وتاية في الطريق
دة غريب ما يعرفش القانون
ما عرفش ان الكدب بقي لغة العيون
وان الاماني الطيبة
مالهاش مكان غير السجون
وان اللي يغدر عندنا00
كأنة عاش طول عمرة يوفي او يصون
ما فهمش حالنا وطبعنا
بصيت لصاحب الصوت وقولتلة
هو انت مين000؟
قاللي انا0000؟؟
ما عرفتنيش
حقق وقولي ما شوفتنيش
انا حلم ضايع من سنين
ايام ما كان في الدنيا زيك
عاشقين
انا حب مات
انا سطر في كتاب زكريات
انا جاي اجيبك عندنا
مديت ايديا وقولتلة خدني معاك
يمكن الاقي الحب وياكم هناك
فوق في السما 0000
والقي الامال متبسمة
اصل انتوا فوق ما بتكدبوش
ما بتظلموش00ما بتغدروش
ما تغيروش ميت الف وش
فوق عندكم مفيش وشوش
علشان كدة000
ومهما طال الانتظار
هاسهر وهاستني النهار
واستني تنفيذ القرار
علشان اموت00
واهرب من الخوف والسكوت
واطلعلكم ومعاكوا اعيش
مهما حصل ما يهمنيش
بس انت قول لحبيبتي عندك ما تخافيش
هارجعلها00000
ومعايا هابقي جايبلها00
الشوق علشان ما يضمنا
ويقولنا00
مهما حصل لازم هاعيش
بينكم هنا
مع تحيات
أحمد الشاعر
شاعر حروفي دموع
|
|
noormohamed
مشرفة المنتديات العامة
المشاركات : 4119
العمر : 35
الدولة : مصر
رقم العضوية : 42
التواجد بالمنتدى : 
الاوسمة : 
نقاط النشاط : 6059
تاريخ التسجيل : 20/08/2008
| | موضوع: رد: إعدام .. شاعر حروفي دموع 17/09/08, 01:28 am | |
| خضتنى من العنوان
بعد الشر عنك
بس بجد ومن غير مجاملات اكثر من رائعه
سلمت اناملك | |
|
Dream
Admin
المشاركات : 7031
الدولة : مصر
المزاج : رايقة الحمد لله
رقم العضوية : 1
التواجد بالمنتدى : 
الاوسمة : 
نقاط النشاط : 10906
تاريخ التسجيل : 20/06/2008
اضافات
sms:
| | موضوع: رد: إعدام .. شاعر حروفي دموع 17/09/08, 01:35 am | |
| الله عليك بجد
بس مش جديد عليك
انت شاعر متميز
وانا دايما بتعجبنى أشعارك
بس بجد المرة دى تفوقت على نفسك
وعايزين بقيت الحاجات
انا قريت لك حاجات جميلة كتير
ياريت ماتبخلش علينا بيها
تسلم ايديك وانا فى انتظار ابداعاتك القادمة | |
|
زائر
زائر
| | موضوع: رد: إعدام .. شاعر حروفي دموع 17/09/08, 04:01 am | |
|
كلمات جميلة ورقيقة..
وشعر جميل ولكنة حزين..
شكرا لك
|
|
modyfunky
مشرف المنتديات الرياضية
المشاركات : 1309
العمر : 36
رقم العضوية : 47
التواجد بالمنتدى : 
نقاط النشاط : 5870
تاريخ التسجيل : 23/08/2008
اضافات
sms:
| |
زائر
زائر
| | موضوع: رد: إعدام .. شاعر حروفي دموع 19/09/08, 03:34 am | |
| ِ
نــــــــــور
دريــــــــــم
تفانيــــــــــــــن
مـــــــــــــــــودي
أكيد كلامي مالهوش أي قيمة من غير أرائكم وتشجيعكم
مروركم وسام علي صدري
أعطي بريقا لكلماتي
لكم من خالص التقدير
تقبلوا فائق إحترامي
شاعر حروفي دموع |
|
