الخاطبه يابنات

اصطحبت الصديقة السمراء إلى احد احد الأمكان المغلقة معبرة لها عن سرية الموقف ، بدأت كلماتها بخجل شديد
الصديقة : بصي بقي واحدة صاحبة ماما عندها واحد عنده 43 سنة ، ومستواه الاجتماعي والمادي كويس ، لو معندكيش مانع هي عايزاكي تكلميها علشان هي بتحب تسمع تفاصيل من البنت نفسها
السمراء مجامله لصديقتها : اشكرك لانك فكرت في وانا معنديش مانع أكلمها
الصديقة : هبعت لك نمرة تليفونها في رسالة على الموبايل .
بعد يومان تسمع السمراء نغمة مخصصة للرسائل تدرك أنها تحتوي على رقم هاتف السيدة التي اخبرتها الصديقة عنها ، وفعلا كان الرقم ، تقدمت السمراء وطلبت الهاتف ، جائها صوت عجوز ، عرفتها السمراء بنفسها
السيدة : اهلا يا حبيبتي ، قولي لي انت ظروفك ايه ؟
السمراء مندهشة من السؤال : لو ممكن توضحي لي يعني ايه ظروفك ايه ؟
السيدة : يعني سنك ، مؤهلك ، سكنة فين الحاجات دي ...........
السمراء اجابت عن التساؤلات ويدور بداخلها ان ثمة شئ غريب بالموضوع
السيدة : طيب دة كويس ، انت بقي طلباتك ايه ، يعني عايزة موصفاته ازاي ؟
ادركت السمراء أن تلك السيدة هي خاطبة ( وسيط لتوفيق راسين في الحلال )
السمراء : الحقيقة يا طنط معنديش مواصفات معينه !
الخاطبة : طيب انا قدامي واحد محاسب عندة 43 سنة عنده عربية فاخرة موديل 2008 وشقة بمنطقة راقية والداه متوفيان ،يحصل على راتب مجزي ، بس شكله مش قد كدة !
السمراء : يعني ايه شكله مش قد كدة ؟
الخاطبة : انا بعت له مهندسة قالتلي لا ياطنط دة شكلة مش حلو ، بس يا بنتي دة قبول قابليه وشوفي ولو معجبكيش فية واحد تاني مهندس عنده عربية فاخرة وشقة بمنطقة راقية والداه متوفيان ، بس بيكدب في سنه !
السمراء : ازاي بيكدب في سنة
الخاطبة : بعت له واحدة قال لها 48 وقال للتانية 49 وقال للثالثة 50 ؟
السمراء : اعتقد أنه بيقول سن مجازي
الخاطبة : انت صغيرة تاخدي واحد كبير كدة ليه
تدراري السمراء ضحكتها وتقول في فكرها ، لم اقل اني اريده
الخاطبة : عموما انا هديهم نمرتك وشوفيهم ونقي ؟
تدراري السمراء ضحكتها وتقول في فكرها ، الخيار صعب بين ماركات السيارات ومناطق السكن
السمراء : اشكرك يا طنط
تسمع السمراء رنين هاتفها في اليوم التالي ويأتيها صوت لا تعرفه يقول
المحاسب : انا من طرف طنط
السمراء : اهلا وسهلا
المحاسب : انا عارف انك في الشعل ، الوقت مناسب اكلمك ؟
السمراء : ايوة اتفضل
المحاسب : انا بشتغل محاسب ، وظروفي كما قالت لك طنط ، ممكن نتقابل انهاردة
السمراء : انهاردة ، انا اسفة انا مش مستعدة ممكن يكون بكرة ( السمراء تحدث نفسها ايوة لازم اتعزز بمنطق طنط )
المحاسب : سنتقابل بكرة ، سلام
السمراء : سلام
تمر ساعات قليلة قبل أن يتسلل لاذان السمراء صوت رنين الهاتف ، تسمع صوتا غير مألوف
المهندس : أنا من طرف طنط ، اديني نمرة ارضي اكلمك عليها
يحتبس التعليق داخل السمراء ، هل هو بخيل لا يريد دفع ثمن مكالمة الخلوي أم انه ابن بلدي ويشجع الارضي وبعدها اجابت
السمراء : انا اسفة ، انا مش في مكان فية هاتف ارضي
المهندس : خلاص اديني نمرة البيت ولما ترجعي هكلمك
السمراء : لا ميناسبنيش اديك نمرة بيتي
المهندس : للدرجة دي
السمراء تسائل نفسها اي درجة ؟ انا لا اعرفه ولن اعطيه رقم هاتف المنزل
السمراء : ايوة للدرجة دي
المهندس : انا عايز اتكلم معاك
السمراء :غدا سأتصل انا بك
المهندس : ماشي
في اليوم التالي يأتيها رنين الهاتف ليأتيها صوت المحاسب قبل الموعد بساعتين
المحاسب : اذا كان يناسبك ان نتقابل دلوقت انا قريب من مكان عملك ؟
السمراء : ايوة ، اهلا بيك انا هستناك
يأتي المحاسب الى مقر عمل السمراء
المحاسب : انا مش عايز احطك في موقف حرج
السمراء : لاشئ محرج تفضل
تجازبا اطراف الحديث ، كان لطيفا ومنطقيا وصادقا
المحاسب : اتسرق وقتي مني وانا بكون نفسي عملت في اكثر من عمل وجمعت مالا والان اشعر اني احتاج الى الاستقرار ، انا احب الشعور بالحرية
السمراء : انا كمان بحب الحرية والاستقرار
اتفقا في الكثير من الاتجاهات والآراء وانتهت المقابلة بأنه سيقوم بالاتصال بها في وقت لاحق ، حللت السمراء المقابلة ، انه مقبول الشكل ، لم تشعر بنفور منه ، صادق ، تحتاج لوقت لاختبار امكانية ان تتحول تلك العلاقة الى ارتباط ابدي
توجهت السمراء الى الهاتف واتصلت بالمهندس ، اتاها صوته ليقول لها
المهندس : قلتيلي بقي انت بتشتغلي فين
السمراء : في تلك الهيئة الواسعة الشهرة
المهندس : انها مشهورة بالفعل ، من زمان
السمراء : من خمس سنين
المهندس : يعني من كتير
السمراء : انا بشتغل من 15 سنة يعني 5 سنين مش كتير
المهندس : وكنت بتشتغلي فين قبل كده
السمراء : في المدرسة واسعة الشهرة
المهندس : انها مدرستي
السمراء : متي حصلت على الثانوية العامة من تلك المدرسة
المهندس : سنة 1974
لم تسمع السمراء الكثير من الكلمات بعد ذلك وقالت لنفسها طنط عندها حق دة بيكدب في سنه
المهندس : ممكن نتقابل بكرة بس انا هعرفك ازاي
السمراء : سأعرفك انا
المهندس : اوصفي لي شكلك
لم تستطع السمراء منع نفسها من التهكم
السمراء : سمراء اللون مجعدة الشعر
المهندس : سمراء عادي يعني ولا غامقة قوي
ضحكت السمراء قائلة : انا عارفة اني سمرا لكن معرفش غامقة ولا لا
المهندس : طويلة ولا قصيرة
السمراء : حضرتك بتسألني اسئلة نسبية يعني طويلة او قصيرة بالنسبة لمين ؟
المهندس : انا طولي 180 سم
السمراء : انا اقصر منك الكثير
المهندس : هو انت اتخطبت
السمراء : نعم
المهندس : هو اللي سابك ولا انت اللي سبتيه
السمراء : لقد قررنا اننا لا نستطيع استكمال حياتنا سويا وانا اقدره واحترمه واتمني له التوفيق
المهندس : مفيش مشكلة نتقابل برضوا ، بكرة مساء
تتخلل المكالمة جملة تكرارية انا عندي شقتي وعربيتي
وجاء الغد ليعلن الهاتف ان المهندس يود الحديث مع السمراء قبل الموعد بغشر ساعات
المهندس : هو انت في الشغل
السمراء : ايوة
المهندس : ممكن اجي لك بدري
السمراء : ايوة انا موجودة هتيجي في حدود الساعة كام ؟
المهندس : وقت اما اكون مارر بمحل عملك هاجي
السمراء : تعال
بعد خمس دقائق يقف المهندس امام السمراء ، تتسائل لماذا لم يقل انه في طريقه الى ؟
توجد لديها اجابة واحدة يبدو انه يشك في صدقها
دار حديث خاو وضعيف واستأذن بالرحيل بعد أن سألها طنط جابت لك واحد هو محصلسش نصيب ليه؟
السمراء : مش عارفة دة نصيب
توجهت السمراء الى الهاتف لتتحدث مع طنط
السمراء : طنط انا قابلت المحاسب والمهندس وهناك صعوبة شديدة مع المهندس
الخاطبة : دة عمرة ما هيتجوز طول ما بيكدب في سنة ، اما المحاسب كلمني وقال لي دي طويلة عني ياطنط
السمراء : دة نصيب وعموما الف شكر
الخاطبة : انا عايزة بنت تكون جميلة جدا وعندها 25 سنة ومن علية غنية علشان مقاول غني قوي عنده 29 سنة وارملة ومعندهاش اولاد او بنت عندها 50 سنة علشان واحد متجوزش قبل كده عندة 62 سنة وحياتك دوريلي
السمراء : من عنيا ياطنط

هااااااااى

بجد القصة جااااااااااااامدة اوى

انا من الناس المش مقتنعة اوى بالخاطبة وماظنش ان في لسة ناس بتطلب الخاطبة كوسيلة للجواز في الزمان ده

وشكراااااا وتسلم ايدك ياصابر

مرسي