جميله ..جميله

جميله جميله.
.حكايه جميله.
.رغم الدموع.
.رغم الخضوع.
.رغم الالام.
.خلصت اوام.
.جميله جميله.
.شوفها بعينيه.
.تحسد عينيه.
.تعالى شوفها من هنا.
.كاْنها بمليون سنه.
.جميله جميله.
.كل ثانيه كانت امان.
.مش محسوبه فى عمر الزمان.
.جميله جميله.
.ماتتحملش تتجرح
ماتستاهلش تتودع.
.احكى عليها للصحاب.
.ولف بيها كل باب.
.جميله جميله.
.مركب احبه مريحه.
.سبحت وهيه مروحه.
.دارت على شويه موانى.
.مانزلش فيهم حد تانى.
.جميله جميله.
.ليالى بدر منورين.
.جمعت على الحب جناحين.
.كانوا سوا متهنين.
.شوف النهارده راحوا فين.
.جميله جميله.
.احلف بحبى يكون يمين.
.وعد انكتب فوق الجبين.
.لو فيه شمال لازم يمين.
.لو فيه جراح فى مجروحين.
.جميله جميله.
.قطع باْيدك من هناك.
.وانا بقطع من هنا.
.لو فضله حته منى معاك.
.فاضل كتير عندى انا.
.جميله جميله.
.فكر تبص ع الغروب.
.والشمس رايحه ع المحبوب.
.وابعت معاها كلمتين.
.يتقروا مع دمعتين
جميله جميله.
.اخر مافيها الليله