النهاردة بقدم مشاركة انا اصلا بحبها جدا وبتمنى انتوا كمان تحبوها وانا قاعدة بنكش فى الانترنت صادفنى تتترات لمسلسلات قديمة اووووى لكن بجد كانت اغانى المقدمة والنهاية ليها روووووعة ومش هاتتكرر
فقلت اعمل موضوع عندنا خاص بهذه الااغانى
المشاركة دى خاصة بتترات المسلسلات القديمة نوعا ما ولو حد بيدور على تتر مسلسل قديم انا فى الخدمة
يللا بينا نبدأ
دى مجموعة من تترات المقدمة و النهاية لبعض المسلسلات النادر عرضها على التليفزيون و النادر وجودها على النت . آمل ان تحوز على اعجابكملموضوع لتيترات اغانى المسلسلات المميزة فى الكلمة و اللحن والاداء ..
واللى عاوز يشارك اهلا و سهلا
بداية ..
تتر مسلسل بوابة الحلوانى
الكلمات
بندق ندق بوابة الحياة بالإيدين قومى
قومى افتحى لولادك الطيبين قومى
و اللى بنى مصر كان فى الأصل حلوانى
و عشان كده مصر يا ولاد حلوة الحلوات
وادى و بوادى و بحور و كفور و موانى
توحيد و فكر و صلاة
تراتيل , غنا و ابتهالات
و كل ده فى مصر يا ولاد حلوة الحلوات
اللى بنى مصر كان حلوانى يا ولداه حلوانى
اسمه على بوابتها لا زال و لا زايل
ساعة الهوايل يقوم قايل
يابلداه
و ييجى شايل
هيلا هوب شايل .. حمولها و يعدل المايل
و عشان كده مصر يا ولاد حلوة الحلوات
بحلم يا صاحبى
و أنا لسه بأحبى
بدنيا تانية و مصر جنة يا صاحبى
و آجى أحقق الحلم
ألقى الموج عالى عالى طاح بى
و نعود سوا نطوى الأنين بالحنين
و عشان كده مصر يا ولاد حلوة الحلوات
لينك التحميل
-------------------------------
[tr][td class=postbit-right id=td_post_1371444]
[center]زيزينيا
المقدمة
اسكندرية تانى و اه م العشق يانى
و الرمل الزعفرانى ع الشط الكهرمانى
و السحر اللى احتويته و البحر اللى احتوانى
و البحر ابو الف موجه
و الموج بالف حالة
وانا المغرم صبابة
باسكندرية يابا
وفكرة كونى انسى
فحكم الاستحالة
فحكم الاستحالة
عشقت بحرك وغرقت فيكى
وصبحت عندك ف العشق حالة
و سمعت منك و عشقت بيكى
وعجبنى قربك على اى حالة
وعاشرت فيكي الخواجة ينى
اجريجى لكن مصراوى جنى
اسكندرانى عاشق اغانى
جعان يغنى شبعان يغنى
ويبات فحالة يصبح فحالة
وكونه ينسى دى الاستحالة
وسمعت صوت النديم نسايم
ع البحر صابحة و البحر هايم
وسمعت سيد بيقول يا مصرى
الدنيا صاحية ليه انت نايم
ولما عاند و خانى عصرى
لاشد ضهرى ولا خد بنصرى
رميت فحضنك ع الرملة قصرى
وفتحت ع البحر حضن مصرى
ادى القضيه و ادى الرسالة
وكونى انسى دى الاستحالة
لينك التحميل
وعمار يا اسكندرية يا جميلة يا ماريا
وعد ومكتوب عليا ومسطر ع الجبين
لاشرب م الحب حبه وانزل بحر المحبة
واسكن حضن الاحبه و الناس الطيبين
حكاياتك يا زيزينيا
حواديت وناس ودنيا
فحوارى اسكندرية وليالى المنشدين
واما التاريخ يواكب
و يزاحم بالمناكب
يتعبى ف المراكب و غناوى الصيادين
هيلا هيلا وهيلا بيلا
شيال والعمر شيله
وهموم الدنيا ليله
فيها القمر حزين
ويا موج بحر الليالي
عديتك ونت عالي
ودفعت المهر غالي
بالايام والسنين
وعمار يا اسكندريه
يا جميله يا ماريه
لينك التحميل
[/center]
[/td][/tr][tr][/tr]
-------------------------------
تتر مسلسل الاصدقاء
المقدمة
آدي إيدي مِد إيدك
جرحي جرحك عيدي عيدك
ود دافي نبع صافي
شيء كأنه نيل موافي
من وريدي و من وريدك
يا صديقي مِد إيدك
يا صديق عمري يا صاحب ذكرياتي
إنتَ كنز أيامي تحويشة حياتي
و مراياتي اللي باشوف جوّاها ذاتي
و تواجهني بعيبي تكشف سيئاتي
تِقسى بحنان و استزيدك
يا صديقي مِد إيدك
أصدقاء و الود موصول فوق زمانّا
بيه آمنّا و له آمنّا و فيه أمانّا
بيه على الدنيا و ع الدهر استعانّا
و إن زمنّا خانّا و في لحظة طعنّا
تستعيدني و استعيدك
يا صديقي مِد إيدكلينك التحميل
النهاية
آدي يدّي مد يدك
قد ودك قلبي ودّك
د انتَ بعد الأهل أهلي
و اذا يوم قلبك ندهلي
حتلاقيني بقلبي عندك
يا صديقي مد يدك
يا صديق عمري و أحلامي و عذابي
في ليالي فرحتك عامل حسابي
في ليالي وحدتي بتدق بابي
و عمر باب قلبي ما صدّك
يا صديقي مد يدك
أصدقاء و الود موصول فوق ظروفنا
مهما نبعد مهما طوفنا مهما شفنا
في ساعات شدتنا و قلقنا و خوفنا
تستعيدني و استردّك
يا صديقي مد يدكلينك التحميل
---------------
تترات مسلسل مسألة مبدأ
خايف من بكره ليه
من يعرف بكره ايه
انا مش هبص ورايا ولا اقول اه
مهما الامل غاب العيون شايفاه
اليأس مش هيوصلك
ولو الهموم هتحصلك
مش راح تقف الحياة
ونخاف من بكره ليه
مين عارف بكره ايه
يا حبيبي ماله الليل ؟ الليل طول
ياريته هنا منعاد لاول
يا حبيبي ماله الليل؟ الليل طول
وكل ما يجرب يخلص .
يدّار ويرجع من الاول
سيب الي يكره يكره
وأنت أحلم ببكرة
مع أنه لسه ماجاش
مهما تحاصرك همومك
ويلومك مين يلومك
لا ما تعشهاش بلاش
لسه الورود بتشق براعمها
والفرحة بتلاعب نسايمها
ونخاف من بكرة ليه ؟
مين عارف بكرة إيه ؟
مين عارف بكرة إيه
لينك التحميل
النهاية
كل الجروح ليها دوا
يا طير يا حايم ف الهوا
اطوى الجناح على الجراح
وياللا نطير سوا
أنا مش حابيع الصدق بالأكاذيب
ولا أقولش للحمل الوديع يا ديب
ولا أقولش للديب يا أعز حبيب
والصدق مهما عز
في الأزمة مش حاهتَّز
ساعات يكون كتم الأنين أصدق
وأنا مهما أقع راح أقوم
ودي مسألة مبدأ
كل الجروح ليها دوا ...
بيكدبوا الصدق اما الكدب يتصدق
يا ليل تطول
بكرة تلقى الفجر بيشقشق
أنا فى انتظار الصباح
أنا احتويت الجراح
وخلاص نسيت اللى راح
ومن جديد حابدأ
ودي .. مسألة مبدأ
لينك التحميل
------------------------------
تترات مسلسل الدالى نور الشريف غناء وائل جسار
الكلمات
مين دا اللى كاره دنيتك و بيشتهى موتك
مين دا اللى موته فكلمتك وحياته فسكوتك
وغريب يا صاحبى والا من دمك
طعنك وسابك تشتكى همك
ورمااااااااك
رماك بلا مركب لموج عالى
سرق النهار
لكن انت يا دالى لا بتنحنى
ولا ينكسر صوتك
مين دا اللى كاره دنيتك
انسى الامك واعلى على جرحك
في عينيك الدنيا وتصالحك
طول ما نهار الخير بامكانه
يطوي سواد الليل واحزانه
قطر الحياة عمرو ما يفوتك
مين ده اللي كاره دنيتك وبيشتهي موتك
مين ده اللي موته بكلمتك وحياته بسكوتك
لينك التحميل
النهاية
متقولشى ضهرى يا ناس مكسور
باصحى فى هموم و بابات فيها
دا البنا عاش يبنى فى قصور
و لا عمره ليلة بات فيها
ما تلينشى أبداً و حايلها
المايلة تقدر تعدلها
ربك كريم بيبدلها
دنيا و دايم مين فيها
اضحك و عديها و ماله
و لا شئ بيفضل على حاله
لو غيرك الحظ إداله
ما تلومشى و تبص له فيها
لينك التحميل
-------------------------------
استثناء اغنية فيلم النمر الاسود
اتقدم
اتقدم اتقدم وكفايه خلاص تتندم
للشمس للنور مش هيعطلنا سور
طول م الدنيا هتدور
انا م الدنيا هتعلم
اتقدم هتعلم اتقدم
اتقدم اتقدم
واحلف مش راح نتندم
لينك التحميل
--------------------------
المال والبنون من أجمل التترات الى بحبها بجد
المقدمه
قالو زمان دنيا دنيه غروره
وقلنا واللى تغره يختار مصيره
قالو الشيطان قادر وله ألف صوره
قلنا ما يقدر على الخيره لغيره
إيه معنى دنيتنا وغاية حياتنا
إذا بعنا فطرتنا البريئه الرقيقه
وأزى نبص لروحنا جوه مرياتنا
أذا إحنا عشنا هاربنين من الحقيقه
ومين نكون إن بعنا يومنا وماضينا
وليه نعيش اذا مكانش بكره يرضينا
وإزى ننام من غير ما نحلم ببكره
وبكره ده إزى هيجى إذا كانش بأيدينا
التحميل
النهايه
بحلم وأفتح عنيه على جنه للإنسانيه
والناس سوا بيعشوها بطيبه وبصفو نيه
أحلامى تصلبلى ضهرى ويروق ويصفالى دهرى
ويلاقى زهرى لكل ناسى وليا
يا دنيا مهما تغرى غيرى مسيرك تمرى
وبعد مرى تسرى نفسى العفيفه الابيه
لاالمال ينور طريقى ولا البنون بلو ريقى
عملى فى حياتى رفيقى فى وقفتى الاخرانيه
بحلم وأفتح عنيه على جنه للإنسانيه والناس سوا بيعشوها بطيبه وبصفو نيه
التحميل
-----------------------
الشهد و الدموع
غناء على الحجار
المقدمة
تحت نفس الشمس
وفوق نفس التراب
كلنا بنجري ورا نفس السراب
كلنا من ام واحده اب واحد دم واحد
بس حاسين باغتراب
بس حاسين باغتراب
بين حنان الحب هل الغل جانا
من مراره الغل جلجل صوت رجانا
نبكي من الغل اللي بيعكر حياتنا
و لا بالحب اللي هدهدنا و شجانا
يازمان الغربه ليلك بيحاصرنا
و في ضلامه المر طاوينا و عاصرنا
بس طول ماالحب بيرفرف علينا
الجدور حنمدها و نصنع مصيرنا
كلنا من ام واحده اب واحد دم واحد
بس حاسين باغترابلينك التحميل
النهاية
نفس الشموس بتبوس علي روسنا
نفس التراب يحضن خطاوينا
طب لي بنجري و نهري في نفوسنا
و ليه نعيش ناكل في بعضينا
ادي الحقوق و ادي اللي طالبنها
و الحق تاه في الباطل البطال
و قلوبنا تاهت عن محبينها
و نجومنا عاليه ماتنطال!
نفس الشموس بتبوس على روسنا ... لينك التحميل
-----------------------------
ابو العلا البشري
مقدمة
متمنعوش الصادقين عن صدقهم
ولا تحرموش العاشقين من عشقهم
كل اللي عايشين من بشر من حقهم
يقفوا ويكملوا
يمشوا ويتكعبلوا
ويتوهوا أو يوصلوا
وإذا كنا مش قادرين نكون زيهم
نتأمل الأحوال ، ونوزن الأفعال
يمكن إذا صدقنا نمشي في صفهم
الدنيا مالها ولا إحنا مالنا
ولا الزمان نسانا إيه جرى لنا
بقينا نحبس في الصدور سؤالنا
ونحسد الصادق على صدقه
ونقف بين العاشق وبين عشقه
نهرب من الصافيين إذا بكيوا
ونحسد الباكيين إذا ضحكوا
متمنعوش الصادقين عن صدقهم
ولا تحرموش العاشقين من عشقهم
وإذا كنا مش قادرين نكون زيهم
نتأمل الأحوال ، وندرس الأفعال
يمكن إذا صدقنا نمشي في صفهملينك التحميل
النهاية
لو مش هتحلم معايا
مضطر احلم بنفسى
لكنّى فى الحلم حتى
عمرى ما هأحلم لنفسى
لو كنت راح افتش
عن منصب ولا جاه
واصاحب الحذر
ده انا ابقى مستحقش حلاوة الحياة
و ضحكة البشر
يا صحبى يا صديقى
ياللى طريقك طريقى
ده انا يوم ما اعيش لنفسى
ده يوم موتى الحقيقىلينك التحميل
----------------------
تتر مسلسل اولاد ادم (نكد---نكد----نكد)
المقدمة ..
غناء على الحجار
يا عم ادم عيالك متبعترين ف المتاهة
دسنا بقدمنا خيانا
وحياتنا ضلت خطانا
مدينا ف الكون خطانا
زدنا فغلطنا و خطانا
واما زمانا عطانا
صرنا لابليس بطانه
العلة دى منا فينا
والا دى عله دفينة
يا دنيا لا تلفلفينا
ولا تلعبى بالسفينة
ورسيها على مشتهاها
يا عم ادم عيالك متبعترين ف المتاهة
لما رفضنا رضانا
روحنا برضانا لقضانا
سكنت همومنا ....
...................
يا حلم بينا و بينك
بحر و مستصعبينك
وبشوقنا مستقربينك
جاوب على طالبينك
بلغ قلوبنا مناها
ياعم ادم عيالك متبعترين ف المتاهةانا حاطه نقط على الكلمات اللى مش قدرت افسرها
لينك التحميل
--------------------
البحار مندى
مقدمة
غناء حنان ماضى
إسكندرية الصبية ..
بنيَة امبارح
اموت فى عودها السرح..
وف رمشها السارح
شرح هواها ..
وشعورها..
شبك وليل طارح
ع البحر..
والبحر فى ننى العيون بارح
دى إسكندرية عروسة
بحرها المالح
يا إسكندرانى..
يا بستانى فى جناين الريح
ياقانى جواك سما..
وشمس..وغنا تباريح
أحلى ما فيك يا وله..
انك جدع وصريح
وطيب القلب ..
تضحك..حتى وانت جريح
وان عاندك الموج..
تداديه انت وتصالح
دى اسكندرية عروسة
بحرها المالح
يا اسكندرانيه ..
يا مياسه محنيه
يا بنت بحرى يا ساكنه قلبى وعينيا
فى الحر..
ع البر تجرى..مستأنية
يوشك البحر مية..
ترشي حنية
على وشى
ويصيب حشايا سهمك الجارح
دى اسكندرية عروسة
بحرها المالحلينك التحميل
-----------------
سوق العصر
مقدمة
ليه يا سنين تكسرى الحلم فينا
ليه فرحنا بيموت فلحظة حزينة
تاه الطريق و الا احنا اللى ارتضينا
نضيع الحلم اللى كان بين ادينا
يا سنين طويلة وغميقة
قوليلنا فين الحقيقة
ياسنين لو انتى بريئة
ليه من جراحك قاسينا
مدينا للحلم ايدنا
لكن زمانا عاندنا
كان ليه بقى بيوعدنا
ويقرب الحلم لينا
كسرنا احلامنا احنا
والا زمانا جرحنا
واما بقينا فمحنة
الدمع سال من عنينا
انتى السبب يا سنينا
بعدتى احلامنا عنا
والا السبب اصله منا
و اترد تانى لينا
لينك التحميل
النهاية
والا الزمن منا والا احنا اللى فرطنا فيه
والحب ليه دار والا بين الشقايق وليه
لما قاسينا نسينا
واما نسينا اتنسينا
واما اتنسينا ابتدينا
نشكى ونبكى لحالنا
ودمعنا بنداريه
يا ايام يا قاسيه ارحمينا
دا حبنا كان مالينا
كان حلمنا بين ادينا
ضاع مننا فغفلة منا
ورجعنا نبكى عليه
لينك التحميل
------------------------
الوسية كلمات المقدمة
مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد
جاينا الحياه زي النبات أبرياء
لا رضعنا كذب و لا أتفطمنا برياء
طب ليه رمانا السيف على الزيف
و كيف نواجهه غير بالصدق و الكبرياء
مين اللي قال الدنيا دي وسية
عيش يا ابن ادم بكر زي الشجر
موت و انت واقف زيه فمطرحك
و لا تنحني لمخلوق بشر او حجر
و شب فوق مهما الزمان جرحك
مين اللي قال الدنيا دي وسيه
لينك التحميل
النهايه:
و تستمر الحياة بين ابتسامه و آه
فيها اللي جهله هداه و اللي ضميره هداه
و كل ضيقه بعدها وسعه
و اهي ديه الحقيقه بس منسيه
و كلنا ولاد تسعه و بنسعي
و ديه مش وسيه الناس سواسيه
و تستمر الحال بين ابتسامه و آه
لملم جروحك يا حزين و أمشي
خطوه كمان و تخف الآمك
و أحلم بعين صاحيه و لا تنامشي
غير لما تقطف زهر أحلامك
لينك التحميل
-------------------------
امال ماهر
قضية راى عام
السؤال فكلمتين احنا مين ولية وفين
لية بنضحك واحنا اصلا مجروحين مجروحين
نقول عالظلم عدل
ونقول عالضلمة فجر
واما البريئى يشتكى يشتكى يروح منعرف فين
العيب علينا وفينا ولا دى غلطت مين
اشجع ما فينا جبان وكلنا ضايعين
أأه كلنا ضايعين
وصل بحالنا الزمن
بدل اغتصاب البدن
بقا اغتصاب للوطن من الخونة والفاسدين
لكن يا طاقة الامل جوانا عزم وعمل
يقدر يهد جباااااااااال ويفوق النايمين
يقدر يهد الجبل ويفوق النايمين
دا العيب علينا وفينا
ولا دى غلطت مين
اشجع ما فينا جباااااان وكلنا ضايعيييين
اااااااة كلنا ضايعين
لينك التحميل
النهاية
كده رضا كده رضا
يا مظلومين ونقول رضا
يا مجروحين ونقول قضا
و ما بين توهتنا فى الحياه
و ما بين أملنا فى النجاة
نصرخ بألف آه وآه
يرجع جواب الصوت صدى
ودورى يا دنيا دوورى
ويا نفسى يا ساكنة ثورى
ويا روحى يلا عدى سورى
وطيرى يلا فى الفضا
يا حق اصرخ نادينا ..
وصحى النخوة فينا
دا احنا اللى فينا باقى فينا
وامتى هنلبى الندا
كدا رضا .. كدا رضا
كدا رضا .. كدا رضا لينك التحميل
-----------------------
مقدمة المرسى و البحار
غناء محمد الحلو
كلمات سيد حجاب
يا مركب العمر
يا مشبوح ما بين هلبين
تنشد بينهم
تعيش في الشك ما بين بين
تنفك منهم
تتوه مندوه في بحر البين
و لفين نروح؟
يا ريت كان لي يا هوه قلبين
ماتقولش أصلك و فصلك
قول حليم ستّار
حتغمّي بإيديك عينيك
تعمى الخطا و تحتار
عقلك في راسك
و ملزوم كل يوم تختار
عيش في الحقيقة
لا يندار نصلها البتّار
و تحشّك النار و تتسوّى على الجنبين
مين و ابن مين
الحياة مايهمهاش أصلك
أصلك بفعلك
تواصل فِعله و يواصلك
فعلك ده من عقلك
إن طاوعته رقّص لك
زمنك و دنياك
و إذا قصقصته نغّص لك
زمنك و دنياك
فشوف و اختار ما بين دربين
لينك التحميل
النهاية:ـ
يا مركب العمر هو العمر كام؟ واحد
يا عِشته كلّه
يا ضيّعته و عليك واحد
ما تقولش أصلك و فصلك
كلنا واحد
من أصل واحد
و رب الكون إله واحد
تقول زماني رماني
أو زماني اندار
تتوه في ليل الأماني
في موج عفي و غدّار
تقول زماني عماني
و دربي طال بي و دار
تضيع في بحر الزمن
و تعيش غريب الدار
تلقى الحياة راحت
و ان كان زمان الزمان
ملا لجدودك نور
و اتعصّبوا بتاج دهب في قصور من البنور
ما هم كمان إدّوا ياما
و كل شيء بالدور
و هم برضه اللي خلّوا
بينا الزمن ده يدور
و العالم ارتاحت
لينك التحميل
--------------------------
ارابيسك
مقدمة
وينفلت من بين ادينا الزمان
كانه سحبة قوس فاوتار كمان
وتنفلت الايام وعود كهرمان
يتفرفط النور و الحنان و الامان
وينفلت من بين ادينا
الشر شرق و غرب داخل فحوشنا
حوشوا لا ريح شاردة تقشقش عشوشنا
حوشوا شرارة تطيش
تشقق عروشنا
وتغشنا المرايات تشوش وشوشنا
وتهيل تراب ع الهالة و الهيلمان
الغش طرطش رش ع الوش بويه
مدرتش مين بلياتشو او مين رزين
شاب الزمان وشقيت مش شكل ابويا
شاهت وشوشنا تهنا بين شين و زين
و لسه ياما و ياما هنشوف كمان
وينفلت من بين ادينا الزمان
لينك التحميل
نهاية
ويرفرف العمر الجميل الحنون
ويفر و يفرفر فرفة قانون
وندور نلف ما بين حقيقة وظنون
وبين قسى هفهاف
وهفة جنون
دنياك سكك حافظ على مسلكك
وامسك فنفسك لا العلل تمسكك
وتقع فخيه تملكك تهلكك
اهلك يا تهلك
دنتا بالناس تكون
ويرفرف العمر الجميل الحنون
ان درت ضهرك للزمن يتركك
لكن سنابك مهرته تفركك
وإن درت وشك للحياة تسبكك
والخير يجيك بالكوم وهمك يهون
ويرفرف العمر الجميل الحنون
لينك التحميل
--------------------------------------
من مسسل بوجى و طمطم 
اولا عم عمبر
عم عمبر
هاتلى شمبر
عايزة البس نضارات
علشان
اقرا الجرايد
سبت حد اتنين تلات
"حسن يوسف"
مش جايبلك ساعة نونو اول الشهر اللى فات
عايزه نضارة ومنشه
والبلاط عايز مقشه
وانت عايز
عايز ايه
كيس برايز
الله الله
تفتحه و ترش رشه
طماطم طماطم
روحتى فين يا طماطم
ليه يا طماطم تستخبى
ليه يا طماطم تعالى جمبى
عايزه شبشب صنف غالى
بس و مسكتك تعالى
مش هجيلك الا لما تشتريلي اغلى جزمه
وشراب وحزام رجالى لينك التحميلبطنى بتوجعنى
بطنى بتوجعنى اه يانى
اه يا بطنى
حرمت املاها اوى تانى
اه يا بطنى
حرمت اظلط
اه يا بطنى
حرمت اظلط من غير ما امضغ بسنانى
اه يا بطنى
حرمت يا بوجى
حرمت ترمرم
كل الاصناف حلوة وطعمة
لكن مش هيصة و لا يغمه
ناكل منها نونو نونو
ونحمد ربنا ع النعمة
ازيك دلوقت يا بوجى
بطنى بتوجعنى يا طمطم
ايه نوع الشكوى يا بوجى
ادق عليها تقول بوم بوم
بطنى بتوجعنى اه يانى
واللقمه الزايده
وكمان تغميسه
اللى ياكل زياده عن طاقته
تزعل منه اوى معلقته
والشوكه تشكه فلسانه
و الناس تضحك على فجعنته
هديلك حقنة
هديلك شربه
حرمت حرمت حرمت حرررررمت لينك التحميل الضلمه
الضلمه متخوفشى يا سمكة ملونة
الضلمة حلوة خالص واحنا مع بعضنا
نقدر نحكى حكايات
ونغنى اغنيات
ونقول حاجات تضحك
ف الضلمة لوحدنا
ومحدش يجى يخطف
اللعبة مننا
وشمع العيد يلالى
ف الضلمة يبقى احلى
و التورته احلى اكله
ف الدنيا كلها
بيحبوها الولاد
و الضلمه متخوفشى
النور غمض عنيه
واللمبه نايمه ننا
يلا نغنى احنا
لا لا لا لا لا لا لا لا لا لا
ولما يجى تانى النور
و لما يجى تانى النور
نفرح ونقوله هييييييييييه
اللينك------------------------------------------
ذئاب الجبل
قالوا علينا ديابه
واحنا يا ناس غلابة
يا مغنواتى غنى
حكايتنا ع الربابه
دا لكل ديب حكاية
فيها عبرة وايه
لا تشوفها ف القرايه
ولا عرفتها الكتابه
هما اللى بيظلمونا
وهما اللى بيتهمونا
وقال يخافوا منا
وهما اللى خوفونا
شبعان من الاسيه
الدم يبقى ميه
ضاق الجبل عليا
انا ديب والا ضحية
ما ترد عليا يابا
هما اللى عذبونى
وهما اللى شردونى
وكل ما الاقى روحى
عن روحى يغربونى
انا ف الغربة ساكن
و الجرح فقلبى ماكن
ضاقت بيا الاماكن
حقى ضايع
ولكن بكره يرجعلى يابا
ولكل ديب حكاية ليها عبرة وايه 
لينك التحميل
النهاية
ولابد عن يوم محتوم
تترد فيه المظالم
ابيض على كل مظلوم
واسود على كل ظالم
ومهما كان اللى هشه
الطير مسيره لعشه
كل اللى بيظلم يابايا
وخلى ظلمك حكاية
ندعوا عليه بالهداية
و الرب موجود وعالم
ولابد عن يوم محتوم
ولا دايمة الا المحبة
و الظلم هو اللى رايح
مين اللى خلى الاطبا
تعرف تداوى الجرايح
ومهما كان اللى هشك
يا طير مسيرك لعشك
اما اللى ظلمك يابايا
وخلى ظلمك حكايا و لينك التحميل
-------------------------
الاغنية دى مش تتر بس اغنية اسلامية منفردة لفايزة احمد ..
انا بحبها اوى اوى و بحب كلماتها
غناء فايزة احمد
وكلمات عبد الوهاب محمد " الراجل دا شاعر خطير هو كمان " الله يرحمه بقى
اسمعوها معايا
الله اكبر كبيرا
والحمدلله كثيرا
الله اكبر كبيرا
والحمدلله كثيرا
والشكرلله وفيرا
لا اله الا الله لا اله الا الله
من نورك يارب اهدينى
ثبتلى ايمانى وقوينى
وانصرنى على من يعادينى
واكفيني شر الايام
انا كلى من صنع اديك
وتكالى يا الهى عليك
وفقنى فطريقى اليك
واجعلى ف الخطوة سلام
يا يا يا الله يارب العالميين
الله اكبر كبيرا
من نعمك نور الايمان
بيخلى الانسان انسان
متميز عن غيره كمان
ولا يخشى ف الحق ملام
بتأمل ارضك و سماك
وفخلقك هنا والا هناك
واقول سبحانك فعلاك
اقرب م الروح للاجسام
يا يا يا الله يارب العالمين
الله اكبر كبيرا
سبحتك ليل ويا نهار
وعبدتك مش خوف من نار
دا لوجهك وانا قلبى عمار
بكتابك نور الاسلام
بمشيلك على سنة طه
واتبعها زى ما اداها
والنفس بطهارتها مناها
الجنة تبقى لها ختام
يا يا يا الله يارب العالمين
الله اكبر كبيرااغنية روعة روعة روعة
و اللحن فيه هارمونى جميلة اوى اوى
لينك التحميل
------------------
تتر حديث الصباح و المساء
غناء انغام طبعا
البداية
مين فينا جاى مرساها مين رايح
لحظة ميلاد الفرح
كان فى حبيب رايح
يا ابو الروايح يا نرجس
ما تجس وتر القدر
تلقى حكايات البشر
فيها عبير العبر صاااااااافى
زى النهار الطفل لما ينفلت
من بين ايادى الضلمه و يشقشق
انا شوفت روح الحق لما اتسللت
صرخت وفى وش الخرس انطق
ادى البشر اوراق
فيها عبير العبر صاااااافى
بان فى عيون العصر لما زغللت
الليل يجيها يحنى ضهر الزين
انا شوفت روح الخطوة لما اتبرجلت
عكازها ماشى بالخطى على فين
ادى البشر اوراق
فيها عبير العبر
صافىلينك التحميل
النهاية
الصبح طفل برئ ومساه يبان تجاعيد
وفوق طريق الايام تجرى الحياه مشاوير
ونشوف ملامح الزمن متعاده فى المواليد
واحنا البشر كلنا اعمار ورق بيطير
دايره تدور بالبشر وياّ الزمان بتفوت
دمعه على اللى مضى و دمعة فرح بالجاى
يا حىّ طول مانت حىّ مسيره ييجى الدور
دى حكايه متكرّره من يوم ولادة الضىّ
ياللىّ انت عايش حياه بص لها تلقاها
سبحة هنا و تنفرط بالعمر مانشوفهاش
ولا شئ يعطّر حياتنا يمد فى مداها
غير سيره عاشت هنا اكتر صاحبها ما عاش لينك التحميل
--------------------
سارة ..
غناء نهال نبيل
المقدمة
كان ياما كان
كان فيه عصفور
قلبه صغير
ريشه قصير
حلمه يرفرف بره السور
كان إنسان من طين ، من نور
كان بيدور ع اللى يخضر
قلب الناس القاسى البور
كان ياما كان قلب الحدوتة رق و حن
على البنوتة فى زمن اتجن
زمن الناس فى قلوبها وحوش
زمن الغاب و الناب و وشوش
تحزن غش و تضحك زور
كان ياما كان أحلام بضفاير قلب و بس
ذنبها إيه لو قلبها طاير حب و حس
بنوتة فى حدوتة تنام
و بتجرى وراها الأيام
هى و كل بنات الحورلينك التحميل
النهاية
و بنحبك يا دنيا بجد
و مهما تعملى فينا
بنصحى بشوق يفوق الحدّ
و نحضن بكره بإيدينا
و آه من بكره و عمايله
و آه م اللى الزمن شايله
و آه من حلم عالى لفوق
و لسه الكف مش طايله
يا دنيا دبت أنا فيكى
و توهتينى فى عنيكى
أموت لو عشت من غيرى
و أعيش لما أموت فيكى
يا ارض الخوف يا لامانا
أمانة تسيبى جوانا
براءة طفل كان عايز
يشوف الصبح و يانا
و جنب الشوك يعيش الورد
يرجع قلبنا لينا
و بعد التوهة جزر و مد
نلاقى نفسنا لينالينك التحميل
--------------------
تتر مسلسل محمد يا رسول الله
محمد يا رسول الله
يا حبيب الله
يا امين الله
يا نبى الله يا محمد
يااااا رسول الله
دعوة ابراهيم
ونبوءة موسى
ترنيمة داووود
وبشارة عيسى
صلى الله عليه و سلم
محمد رسول الله
محمد فى ...
فى لوحها المكتوب
بشرى تهز القلوب
بالرحمة المهداة
والرسل و الانبياء
صرح عظيم البناء
بناه رب السماء
محمد منتهاه
صلى الله على محمد
صلى الله عليه و سلمصلى الله عليك و سلم يا حبيبي يا رسول الله
انا حاطه نقط على الكلمة اللى مش قدرت افسرها
لينك التحميل
يا امنة يا ام النبى
يا عطر مكى يثربى
يا ام وفعز الصبا
تهدى حياتنا وتوهبى
طه الحبيب اطهر وليد
اجمل صبى و اعظم نبى
نبينا محمد رسول الله
نوره فى احضانك نمى
كما سمى بدر السما
ولحظة الميلاد الم
والام صبر و مرحمة
طبع الامومة انما
كنتى فميلاده باسمة
والفرحة ظاهرة منك يازهرة
حتى فميلاده كان نسمة طاهرة
نوره بدا منك ولم تتألمى او تتعبى
قمر و ف المهد ابتسم
وسمى وصلى ع النبى
سمى وصلى ع النبى
يا يا يا امنة
دى حكمة الله الحكيم
خير البشر مولود يتيم
وهو ف الغيب يتمه و ف الطفوله يحرمه
م الام و القلب الرحيم
دى حكمة الله الحكيم
كانت طفولته بشرى و علامة
بلسم يداوى جرح اليتامى
يابخته من يكرم يتيم حب وشفاعة للنبى
يا بخته من يكرم يتيم حب و كرامة للنبى
وسمى وصلى ع النبى
ام النبى خير الانام
شافت منام يوم مولده
قالت كلام بنردده
يابركة الله الاحد
احمى وليدي م الحسد
من شر حاسد ان حسد
يا عين حسود لا تقربى
حب و كرامة للنبى
يا خير خلق الله مدد
يا كل احباب النبى
اتجمعوا فنور النبى
مدد مدد مدد مدد
خير الانام
مسك الختام
عليه الصلاة عليه السلام
نبينا محمد شفيع الاناملينك التحميل
-------------------------
ذئاب الجبل نهاية ..
النهاية اللى قبل كدا كانت فعلا تتر النهاية فى خاتمة المسلسل
انما التتر دا هو النهاية اللى كانت بتتذاع كل يوم فى اخر الحلقات ماعدا الحلقة الاخيرة عملولها تتر خاص اللى نزلته قبل كدا
وخاصمنى يا زمانى
وارجع صالحنى تانى
نسينى اللى جرالى
ف العمر الاولانى
وخاصمنى يا زمانى
وارجع
صالحنى تانى
يا زمان حنون و غادر
انا مين متشوفنى تانى
الواد ابو ضحكة تطلع
م القلب الاخضرانى
واللى زارع فصوته
فدان ورد واغانى
مالى دبلت ورودى
وكاس همك سقانى
وانت مزمزم قيودى
وكرباجك كوانى
وخاصمنى يا زمانى
وارجع صالحنى تانىلينك التحميل
----------------
انا وانت وبابا ف المشمش
المسلسل دا كان جامد جدا طحن يعنى
البداية
غناء فردوس عبد الحميد
ستين ف المشمش
يا حليوه
يا بتاع المشمش
صدقتك
لعبة فحدوته
ولا طلتلك
ولا طلتك ولادقت المشمش
احكيلي حكاية
ف المشمش
ارسملى مراية
ف المشمش
قصلى فستان
ف المشمش
طرح البستان
ف المشمش
هاتلى البوتجاز
ف المشمش
وسرير هزاز
ف المشمش
طب لمبة جاز
ف المشمش
شالله يا جواز
ف المشمش
طب اخش السيما
ف المشمش
حسنين ونعيمة
ف المشمش
شربنى الشاى
ف المشمش
طب قولى انا جاى
ف المشمش
على شوقك يا حليوة يا مشمش
ومسيرك يا بتاع ف المشمش
هتكلم ابويا يمشمشلك
وانا وانت و بابا ف المشمشاللينك
--------------------
عائلة شلش كان مسلسل عائلى اجتماعى كوميدي ظريف جدا
واد كدا كان تتره واقعى اوى
اتفضلوا
مش فاهمنى
مش فهمانى
مظلووووم
متهمانى
كل حاجة تجيب الحق عليا انى
دايما الغلطان هو انى
مش لازمنى
مش لازمانى
يا مأزمنى
يا مرستانننننننننى
يا جماعة يا جماعة
كل يوم عاملين اذاعة
الحكاية بسيطة خالص
شيىء بيحصل كل ساعة
دى مسائل عائلية
تبتدى ويا الرضاعة
يا جماعة يا جماعة
قطيعة محدش بياكلها بالساهل
فين قميصى
شوفه ف الدرج التحتانى
فين عروستى
فين عريسى
انت ولد فاشل
اه يانى
انتو دقه قديمة قديمة
وانتو فنافوخنا بريمه
جيل الفيديو
طب و السيما
ما انتو جيلها انتو كمانى
يا جماعة يا جماعة
هو ابنى كان مسافر ليه ,مش عشان يجبلك فلوس انتى وولادك
فين الشاى
حاضر
البت بتعيط حاضر
يا بت اسكتى افصلى
دى التلاجة بتفصل
اللى مربى قرد عارف لعبه
واللى عامل عملية ريحته بنج
دى مسائل عائلية تبتدى ويا الرضاعة
يا جماعة يا جماعةاللينك
-------------------------
ليالى الحلمية
تتر المقدمة
منين بيجي الشجن
من اختلاف الزمن
ومنين بيجي الهوى
من اختلاف الهوى
ومنين بيجي السواد
من الطمع والعناد
ومنين بيجي الرضا
من الايمان بالقضا
من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن
ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع
منين بيجي الشجن من
اختلاف الزمن
ومنين بيجي الهوى من
اختلاف الهوى
ومنين بيجي السواد من
الطمع والعناد
ومنين بيجي الرضا من
الايمان بالقضا
ولفين ياخدنا الأنين
لليالي ما الهاش عينين
ولفين ياخدنا الحنين
لواحةالحيرانين
ما تسرسبيش يا سنيننا من بين ايدينا
ولا تنتهيش ده احنا يا دوبابتدينا
واللى له أول بكرة حيبان له آخر
وبكرة تفرج مهما ضاقت علينا
ولفين ياخدنا الأنين
لليالي ما الهاش عينين
ولفين ياخدناالحنين
لواحة الحيرانينلينك التحميل
-----------------------
حضرة المتهم ابى .. المقدمة
لينك التحميل النهاية
لينك التحميل هرجع بالكلمات
موضوع: تحميل تترات اجمل المسلسلات متجدد ان شاء الله 
06/01/10, 01:21 am
