..يبقى خلاص

موضوع: ..يبقى خلاص 24/05/10, 09:00 pm

يعنى خلاص قررت..
كده يبقى أنت أخترت..
أنا أستاهل كل مايجرى وغلطان لما سألت..

قلبى حنين أثر فيا..
كل دقيقه يلح عليه..
نفسو يقرب وبيتقرب بس أنت أتغيرت..

الحب اللى عملتو..أنا صنتو وكملتو..
وانت خلاص مابقاش بيهمك ودعتنى وقدرت..

كنت بقول دا خصام..واهى حبه ايام..
شوف من أمتى بحبك وأنت على أيامى كبرت..

مش ح أفضل ع الحال دا كتير..أترجى من غير تأثير..
ويضيع عمرى أحلم واستنى وأنت ناسينى وأتحملت..

يعنى خلاص مش فارقه معاك..وأستغنيت وعايزنى أنساك..
طيب أنسى انا مش هنسى مهما عملت..

رغم جراحى واوجاع قلبى..أنت حياتى وروحى وحبى..
عاشق غيرى كان ح يخبى..بس بقولهالك من قلبى..

وان كنت ح تنسانى خلاص..مش حنساك..
بس بأخلاص..

وان كان سهل غرام ينداس..
أصعب شىء نسيان أحساس..
وأنت نسيت..
يبقى خلاص

» يبقى ماكنش حب
» خلاص مابقتش صعبه
» ح نكمل ولا خلاص..بقلمى(صابر)
» تقريبا خلاص
» حبيت خلاص --