..اغلى واحده..

موضوع: ..اغلى واحده.. 04/11/10, 12:44 pm

[size=18][size=16]
بتحملك..وقت الغضب لو تزعلى وتزعلينى..
وساعات يكون من غير سبب..
بتكونى قاسيه وتظلمينى..
بتبقى ناويه تعذبينى..
وتحلفى ماتكلمينى..
وتستخبى من عيونى..
وتفصلى بينك وبينى..

ببقى عارف ثورتك اخرتها ايه..
مهما كانت قوتك او ناويه ايه..
ببقى عارف قسوتك تخلص بأيه..
حضن دافى يسكتك.. وتدوبى فيه..
واللى كان ح يموتك.. تموتى فيه..
تبكى وانتى بتشتكى ..وبتحضنيه..

عرفتى ليه بتحملك واصبر عليكى..
مافيش حنان عند البشر زى اللى فيكى..
عشان كده مهما حصل باقى عليكى..
والدنيا ارخص عندى من لمسه لايديكى..
كل اللى عشته مايساويش نظره لعنيكى..
بتحملك وقت الغضب..
قسوة حنانك.. اجمل حاجه فيكى..

من حبى فيكى شربت طبعك.. ود وهجر..
كاتب بأيدى سطور روايتك سطر بسطر..
من عشرتك..جربت طعم محبتك..
حنيتك..
قسوتك..
رضاكى عنى..شكوتك..
غيرتك عليه..
والشك فيه..
والبعد لما يموتك..
لحظه سكوتك لما حتى ماتنطقيش..
بقرا حروفك وانتى ساكته ماتكتبيش..
بعيش حياتك من خلالك..
واتحملك واغفر عشانك..
كنت مره قلتهالك..انتى احلى من حنانك..
من يوميها للنهارده..
لسه ف عيونى انتى ورده..
عايشه جنبى ولا باعده..
مش بيشغلنى الكلام ده..
انتى عمرى..
واغلى واحده
[/size]

[/size]

» اغلى عشر ساعات فى العالم
» روحنا واحده
» اغلى 10 حوادث بالتاريخ
» أبقى واحده حبتك
» مره واحده..بقلمى(صابر)