من حقى عليك

موضوع: من حقى عليك 22/11/10, 09:20 am

كنت إبعت حد يقوللى إنك مش جاى خلاص..
وإنك م الأخر يعنى.. لا مشاعر ولا إحساس..
من حقى لو إنت بايعنى.. أعرف لحكايتى أساس..
مااحناش أغراب تلاوعنى..وتشّمت فيّه الناس..

من حقى عليك تصارحنى..
فيها إيه لمّا تريحنى..
وتكون صادق مع روحك..
أنا كنت طبيب لجروحك..

من حقى أسمع تفسير..
للى انا حبيته كتير..
واعرف ليه التغيير..
أصل انا كان حبى كبير..

ماتسيبش ظنون الشك ترخّص صورتك جوه عينيه..
ماتسيبش الفرصه لحد يقوللى إنك أخرتها ضحكت عليه..
ماتجيش ع الأخر وتخلى أجمل أيام العمر آسيه..
لو حتى نويت يبقى الاخر .. يفضل غالى عليك وعليه..

أنا ح افضل أبص لنار حبك نفس البصه..
وكأنك زى زمان ليا.. وانا ليك لسه..
يمكن تعقل..يمكن ترجع..
ويكون لسه فصول ف القصه..
أو تبعت حد يقوللى نسيت ولازم أنسى..

من حقى عليك أعرف منك انا وانت لفين..
جاى استناك ولا انت خلاص مع ناس تانيين..
مااسألش عليك ولا أتمنى ولا أى حنين..
ماهو م الإخلاص أعرف ياحبيبى سايبنى لمين

» مين شار عليك
» ..حقى عليك..
» مش هغصب عليك
» داعى عليك...
» زعلان..عليك