ام شهيد الثوره..بقلمى(صابر)

موضوع: ام شهيد الثوره..بقلمى(صابر) 23/03/11, 12:31 pm

أم شهيد الثوره تشرف أول صف..
تمانين مليون مصرى ح ييجوا يبوسوا الكف..
كلنا أولادك بنحبك ..
انتى وهبتى فلذة كبدك..
علشان مصر تعيش مستوره..
ونشوف مصر ف أحسن صوره..
اللى فدانا بدمه شهيد..
كلنا جينا ف يوم العيد..
بنسلم ونبوس الايد..
تمانين مليون مصرى سعيد..

أم شهيد الثوره تشرف أول صف..
ابنك صحى أهل الكهف..
واحد بس بمليون ألف..
خلى بلدنا تفوق م الغمه..
جه فكرنا بأعظم أمه..
اتقدم وبعزم وهمه..
ضحى عشان الكل بدمه..

مش ح يفيدك بكا ودموع..
خلى شهيدك راسه مرفوع..
خاف على شعب يموت م الجوع..
قال لاء وبصوت مسموع..
وسبقنا بزمان ع الجنه..
كل شهيد حى بيتهنى..
وانتى ياام شهيد ثورتنا..
بندين ليكى بحريتنا..
كل المصريين اولادك..
وانتى الجنه بكره معادك