قلب للبيع..بقلمى(صابر)

موضوع: قلب للبيع..بقلمى(صابر) 24/03/11, 04:55 pm

قلب للبيع

قالت كتير..
عشمتنى إنى الاخير..
قالت كتير..
لعبت على قلبى الكبير..
عزفت على وتر الضمير..
عيشتنى ف دور امير..
فرجتنى قلبها..ساحر خطير..
ودوقتنى حبها..جميل جميل..
وعيشتنى جنبها..
بقيت بروحى ملكها..زى الاسير..

مااعرفش إن الغدر لسه له جدور..
اتاريها عايشه بعيد ف قصه وليها دور..
عمر الخسيس مايكون ف لحظه م الاصول..
الغدر خاين مهما يحلف او يقول..

قلبى الجريح اخلص صحيح مع قلب خاين..
له مواويل وقصص كتير وعمل عمايل..

علقتنى بوهم حلو وشوق عجبنى..
كل لحظه تقوللى اوعى ف يوم تسيبنى..
كل ثانيه تقوللى احلى مافيك حاببنى..
وتعاتبنى.. كل ليله وتحاسبنى..
خلت الاخلاص غلبنى..
دوبت والاحساس تعبنى..
ويا واحده.. تهد وابنى..
قلبى طيب كان غاصبنى..

اتاريها عايشه ف قصه تانيه لغيرى..
ضحكت عليا وغيبت تفكيرى..
قلبى بيضيع..
قلبى للبيع..
مين يشترى قلب للبيع..

» عاشق للبيع..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)