يااجمل عذاب..بقلمى(صابر)

موضوع: يااجمل عذاب..بقلمى(صابر) 06/04/11, 08:04 pm

انا بندم لإنى.. حبيتك بجد..
وانت تحب نفسك قبل أى حد..
كل الناس قالولى.. وانا سديت ودانى..
وبغمض عيونى.. وبكدب وادارى..
عشان مابشوفش غيرك..
مافيش ف الدنيا غيرك..
سلمتك كيانى.. وكأنى اسيرك..
ووهبتك حياتى واتعشمت خيرك..
ولا كنتش عشانى..
كان راح فين ضميرك..
يااجمل عذاب..
يااحلى سراب..
يالاعب بعمرى.. وكاسر بخاطرى..
يااول حبيب..
ياآخر لهيب..
خلاص بعد جرحك..قفلت الكتاب..
وبندم لإنى.. عرفت الجواب..
خلاص قلبى تاب..
ودا لإنه داب..
لا ح اقدر أكمل..
ولا ح اقبل عذاب..

لو يوم قلتهالك..
نسيتها عشانك..

وتحرم عليا..
ويحرم زمانك..

ماصونتش فؤادى..
ماصونتش حياتى..
وضحيت بروحى لحد الساعه دى..
كرهت ابقى ضلك..
ماتشوفنيش عينيك..
كرهت اعتذرلك ع القسوه اللى فيك..
كرهت إنى احبك..
واظلم نفسى بيك..
حبيتك بجد..
ولاحبيتش حد..
غير روحك ونفسك قبل أى حد..
يااحلى سراب..
يااجمل عذاب..
خلاص بعد جرحك قفلت الكتاب..
وبندم لإنى..
عرفت الجواب