تبقى بتحلم..بقلمى(صابر)

موضوع: تبقى بتحلم..بقلمى(صابر) 03/05/11, 09:08 am

تبقى بتحلم..

لمّا بتبعد.. قصدك ايه من طول البعد..
لمّا بتعند..يفضل ايه من شوقنا لبعض..
فكرك يعنى.. الحرمان اجمل م الود..
ولا تبيعنى.. وح افضل باقى لآخر وقت..

تبقى بتحلم..
لو صدقت ان مافيش حد..
ممكن يقدر..
يتحداك من اهل الارض..
إلا كرامتى فى حبى معاك..
عزة نفسى قبل هواك..
إزاى تهجر واستناك..
تبقى بتحلم..

لمّا خيالك بيصورلك..
مهما ح تعمل.. انا ح اغفرلك..
تبقى بتحلم..

وان كان ظنك إن هواك..
بيكون اجمل منه آساك..
تبقى بتحلم..

قد ماتدى حنان حتلاقى..
من إحساسى ومن اشواقى..
اللى بيزرع عطف بيحصد ..
حنيه وإخلاص وتلاقى..

تبقى بتحلم لو تتصور..
لمّا تغيب ح استنى وادوّر..
انا مش ممكن يوم اتصور..
حد يبيعنى وافكر فيه..

تبقى بتحلم إنك تنسى..
تبعد وتبكينى وتقسى..
ويكون قلبى بيعشق لسه ..
او ف دقيقه تعز عليه..

اللى يروح.. من قلبى يروح..
مش ح اترجى.. الباب مفتوح..
واللى يسيب ف القلب جروح..
يبقى بيحلم..
لو يبقاله مكان ف الروح

» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)