وانت تسأل ليه..بقلمى (صابر)

موضوع: وانت تسأل ليه..بقلمى (صابر) 26/05/12, 01:27 pm

وانت تسأل ليه

وانت تسأل ليه..بقلمى (صابر) 100zz

اللى يسأل.. يبقى عاشق..
واللى يسهر.. يبقى مغرم..
وانا قلبى هواك ودايب..
وقلبك انت.. الله اعلم..
يبقى تسأل ليه..

انا اسهر..
انا افكر..
انا اللى بحب اكتر..
انا اسأل..
قلبى اسهل..
ف المحبة حبه اكبر..
عاشقه حبك واللى فيه..
عارفه قلبك ناقصه ايه..
حتى لما.. بتداريه..
حسه نبضك..
عايشه بيه..
مش بنام الليل تصور..حبنا بسهرعليه..
كل يوم بسأل وادور..قلبى عاشقك واعمل ايه..
والسؤال ده عشان بحبك..
انت تسأل ليه..

انا قلبى حب مره..وهيه مره..
تبقى حلوه.. تبقى مره..
هيه مره..
مش ح اكون زيك واجرب الف مره..

انا وقت الجرح.. اطيب..
كل ردى عليك.. بطيب..
حتى وانت آساك يشيب..
كل همى.. تبقى طيب..

ارضى قلبك..اداديه..
عمرى حبك..اعمل ايه..
مش بنام الليل تصور..حبنا بسهر عليه..
انت ترتاح وانا ادور..قلبى عاشقك واعمل ايه..
والسؤال ده عشان بحبك..
انت تسأل ليه..

اللى يحب يدوب ويحس..
وبيتمنى الحلو وبس..
توعد..تخلف..
تعرف ولا تقول معرفش..
تبعد..تسعد..
تسأل ولا مبتسألش..
شوق الحب شعور يتحس..
واللى يحب مبيفكرش..
يدى بروحه ولايبخلش..

مش بنام الليل تصور..حبنا بسهر عليه..
لما تنسانى بدور..قلبى حبك واعمل ايه..
والسؤال ده عشان بحبك..
انت تسأل ليه