ان الاوان يابلدنا..بقلمى (صابر)

آن الآوان

كلنا شاكين ف بعض..
كلنا حالفين لبعض..
آن آوان نتلم ولا..
لسه فى هجران وبُعد..
نصنا بقى ايد شمال..
نصنا بقى ايد يمين..
بس ف الاخر جيران..
واى جسم له ايدين..
اللى وافق واللى رافض..
طينه واحده..ودم واحد..
كل واحد فينا خاف..
م الجديد يبقى اختلاف..
بس لازم نبقى امه..
راى واحد مش الاف..
ندى فرصه ونبقى لمه..
كنا دايما خير امه..
كل واحد ينسى نفسه..
ينسى اصله..
كل شىء حيعود لاصله ..
والشباب عايزين يواصلوا..
والتاريخ دا يبقى عصره..
لما يكتب ان مصر امه واحده..
شعب واحد..
كله تحت رايه واحده..
آن آوان ان البلد دى خلاص تقوم..
شعبها يخلص ويدى كل يوم..
قوم يامصرى كفايه نوم..
زيح عذابك والهموم..
آن آوان زرعك ياورد..
والايدين تمسك ف بعض..
احنا ليه شاكين ف بعض..
لينا مين بس إلا بعض..
آن الآوان ؟؟
ولا لسه نقول كمان؟؟