مجروحه..بقلمى (صابر)

موضوع: مجروحه..بقلمى (صابر) 14/07/12, 06:22 pm

مجروحه

فكرك قليل لو جرح منك..
ابدا كتير..وبعدنى عنك..
انا كنت يوم بتباهى بيك..
واسيب حياتى واهرب إليك..
دلوقتى اقول لحياتى ايه..
ولقلبى ايه..
ولكل حد يسأل عليك..
لسه بحبك..مش معقول..
ازاى حب وجرح شعور..
اول مره يخون القاتل..
ويكون بيحبه المقتول..

مجروحه جد..
وكسرت فيا..
اجمل مافيا..
مش قادره اقول واشكيك لحد..
قهرتنى..
والحب ده كان نور عينيا..
كسرتنى..
وجعت كل حته فيا..

خلصت دموع العين..
والجرح من يومين..
مش قادره اصدق فين وصلنا..
وهان عليك كل اللى بينا..
وحب عمروا سنين..
يمكن دا حلم وح اصحى اكيد..
تمللى بحلم وانت بعيد..
ازاى تسيبنى بقلب حزين..

مع انك كاسرنى..وجرحك قاتلنى..
محدش حيعرف..
ح اغير ملامحى..وادواى ف جرحى..
وابان هاديه و الطف..
ولو حد شافنى..مهما كان عارفنى..
مش ممكن حيعرف..

وحكون مجروحه وابان بضحك..
مدبوحه بجرحك وافرحلك..
وتشوف ف عيونى حب العمر..
وغرام قلبى اللى بيرتحلك..

وخلاص مش ح اسأل ليه واجعنى..
ولا ليه حبيتك وتبيعنى..
ح اعمل فرحانه عشان يعنى..
اكدب على كل اللى سامعنى..

نسيانك صعب ومش بالايد..
وفراقك اصعب منه اكيد..
ياافضل احبك ..
وافضل جنبك..
ياابعد واموت بقا وانت بعيد..

انا لسه بحبك مش معقول..
عايزه افضل جنبك مهما يكون..
اول مره يخون القاتل..
ويكون بيحبه المقتول..
مجروحه

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)