موضوع: اختيارى كان غلط..بقلمى(صابر) 18/07/12, 05:30 pm
اختيارى كان غلط
كان غلط.. اختيارى كان غلط.. وصمه سوده للابد.. انت حبك كان ميلادى.. كان حياتى.. وكان مماتى.. م النهارده ح تبقى ماضى.. عقد لولى واتفرط.. انت حبك كان مرض.. اختيارى كان غلط..
بالغرام سلمت قلبى.. وانت كان عندك غرض.. شفت نفسى معاك رخيصه.. قول تسالى .. قول ونيسه.. مش حبيبه ومش عزيزه.. حبى عندك كان غريزه.. فيلم هابط واتعرض.. والوفا عليه العوض.. اختيارى كان غلط..
فوق لنفسك انت ايه.. بص قلبك واللى فيه.. لو تشوفو حتلاقيه.. السواد غالب عليه.. قلب عايش بالذنوب.. جسم مش ممكن يتوب.. كان خساره انه اتولد.. خدت ايه لما اتوجد.. اختيارى كان غلط..
قلبى معاك كان مش بيشوف.. كان متغمى.. وكان مخطوف.. لما ناديته طار ملهوف.. واختارك من وسط الوف.. كان بيحبك من غير خوف.. وافتكرك انسان وعطوف..
متمنعش وقلك لاء.. خدت الحق وغير الحق.. وياريتك صونت وكملت.. معملتش كل اللى عملت.. لسه حندم للابد.. اختيارى كان غلط