حرمانى منك بيعذب..بقلمى(صابر)

حرمانى منك بيعذب
حرمانى منك بيعذب..بقلمى(صابر) 100zz

حرمانى منك بيعذب..مقدرش عليه..
والبعد عنك اوى متعب..ومطًول فيه..
بتحبنى ولابتكدب..على قلبى يابيه..
وطول غيابك مش مفهوم..
اصبر دقايق.. مش كام يوم..
من يوم ماحبيتك بشكى..
لا عرفت راحه..ولا فيه نوم..

مش كل مره تغيب واصبر..
تعبتنى ومش بتحمل..
وانت عارف مش بقدر..
لو بُعدنا كان متقدر..
يادوب ثوانى.. مش اكتر..

مش كل مره تغيب عنى.. وتقوللى بحب..
حرمانى منك دا قاتلنى.. وبستحمل غلب..
بُعدك عليا مزعلنى.. وبهدلنى.. وصعب..
وعشان ماليش ف الناس غيرك..
عمرى وحياتى عايزينك..
والروح والقلب..

يعمل هواك كل ده فيا..
وتزود القسوه عليا..
دا كان غرام.. ولا اسيه..
حرمانى دا كل مشاكلى..
طول بُعدى بيغير شكلى..
بتخض لو بس اسمع صوت..
وبخاف وانت مش موجود..
علشان ف بُعدك ممكن اموت..

طب ليه تسيبنى لوحدى كتير..
والشك وهم ملوهش كبير..
وانا قلبى ضايع من غيرك..
وانا مش محسوبه ف تفكيرك..
بتسيب عمرى وتروح فين..
عمرى اللى جنبك كله يومين..
واما بتبعد.. يومى سنين..

وازاى قلبك طاوعك تنسى..
ونسيت ولا ف قلبك لسه..
واللى انا شفته معاك بحكيه..
طول منا وحدى ..عايشه عليه..
واللى تاعبنى وبغلب فيه..
انت حاببنى.. بتبعد ليه..
حرمانى منك بيعذب..
بتحبنى ولا بتكدب

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)