بتكدب عليك..بقلمى(صابر)

موضوع: بتكدب عليك..بقلمى(صابر) 17/10/12, 06:28 am

بتكدب عليك

مش ممكن تحبك..متعرفش فيك..
متعرفش قلبك..محسيتش بيك..
لا عاشت مشاعرك..ولا حست بزعلك..
لا وقفت ف ضهرك..ولا سهرت عليك..
متعرفش فيك..

هى استغلت وضعها قدام عينيك..
طول عمرى خايفه منها تقدر عليك..
طول عمرى خايفه لانها مبهوره بيك..
مش حب دا اللى ف طبعها ولا شوق اليك..
اياك تقرب منها وتصدمنى فيك..
ارجوك طاوعنى لانها..
بتكدب عليك..

حكم الظروف وكلام مكشوف ولا اى كسوف ..
تعبتنى ونسيت راحتك..
ياما بكره تشوف شوقها الملهوف كان بس حروف..
وانا وحدى بس اللى بتاعتك..
لعبت عليك بالحنيه..
صدقنى كدب ومش هيه..
وكان غرضها تغيظ فيا..
وترتوى بدمع عينيا..
سحرت عينيك..ومفهماك بتحب فيك..
دى مش بتاعتك ..
مش لك لوحدك..
حتلاقى جوه ف قلبها مليون شريك..
ارجوك طاوعنى لانها..
بتكدب عليك..

انا مش ح اقارن نفسى بيها..
ولا ح اذكر المر اللى فيها..
ومش ح اقولك.. ايه ماليها..
بكره تعرف اللى فيها..
بس عشره قديمه بينا مخليانى..
لو نسيت كل اللى بينا بحن تانى..
ونفسى اقولهالك ف وشك..
ليه تصدق حد غشك..
صعب احس انها سيباك غريق..
ارجوك طاوعنى لانها..
بتكدب عليك

» صدقتك وانت بتكدب..بقلمى(صابر)
» زعلانه عليك..بقلمى(صابر)
» اصبر عليك..بقلمى(صابر)
» بيسألونى عليك..بقلمى(صابر)
» كل يوم..بقلمى(صابر)