اشهدلك..بقلمى(صابر)

موضوع: اشهدلك..بقلمى(صابر) 18/10/12, 10:25 am

اشهدلك

اشهدلك..من يومى بحبك..
اشهد.. بالرقه اللى ف طبعك..
اشهد ع الحلو اللى ف طعمك..
وجمال الحب اللى ف قلبك..
اشهد واتمنى اعيش جنبك..
وافضل طول عمرى اسير حبك..
واشهدلك

اشهدلك.. انتى الحنيه..
وانك اغلى الكل عليا..
من غيرك صبرى يفيض بيا..
ويتوه الكون من حواليه..
اشهد انك ضى عينيا..
والقلب ارتاح يوم ما اتبعك..

اشهدلك ف عينيكى براءه..
تعطف وتحن ومشتاقه..
وانتى اللى يحبك لو حيموت..
يتمنى ف يوم يسمعلك صوت..
ويعيش ايام وسنين يحلم..
قبلك كان حى وكان له وجود..
ولا دا كان وهم ومش موجود..

اشهدلك فيكى الحسن جميل..
والاجمل لما القلب يميل..
والحب ف قلبك حب كبير..
قد الدنيا.. واخلاصه دليل..

اشهد انك الهام وحياه..
قربك جنه ومحراب وصلاه..
مرك سكر من طعم الحب..
وعتابك يشجى ولحنه الاه..

اشهدلك انتى بتقرينى..
وبتملى حياتى وتحيينى..
وانك عاشقه وبتحبينى..
وانتى الاحساس اللى مالينى..

من عطفك على ايامى بعيش..
لو حب العالم مايكفيش..
ولا شىء ف الدنيا يوفيكى..
ينسانى الكل ومابتنسيش..

اشهدلك لو ح اعشق تانى..
وهنانى وكررها زمانى..
حيكون حبك زى الاول..
واختار انى احبك تانى..
اشهدلك

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)