اهو دا الغرام..بقلمى(صابر)

موضوع: اهو دا الغرام..بقلمى(صابر) 19/10/12, 06:35 am

اهو دا الغرام

ح اعيش احبك للابد ..طول السنين..
ح اعيش احب بكل شوق العاشقين..
حبك بيتغلب عليا..
بيمس كل حته فيا..
حتى الآهات..ولا الآنين..
تغضب.. اصالحك..
تغلط.. اسامحك..
تبعد.. يدوبنى الحنين..
طوّل بعادك..
طوّل عنادك..
ترجع مقولشى كنت فين..
تلمس ايديا..حنينين..
وتشوف عينيا الطيبين..
تندم على بُعدك يومين..
وتلاقى بُعدى عليك حرام..
بشتاق لقربك..
بشتاق لصمتك..
زى شوقى للكلام..
كل ثانيه القلب فاكرك..
بخاف عينيا تنسى شكلك..
وتكون معايا لما انام..
اهو دا الغرام..

اهو دا الغرام..خلانى دوبت..
خلانى وانا بهواك تعبت..
خلانى شيبت..
قبل الاوان..
اهو دا الغرام..
وعشان بحبك بتحمل..
بدوب ف حبك وبكمل..
وكل حاجه تقولهالى..
تكون قرار بالنسبالى..
الحب بيخلينى اقدر..
اقول نعم قبل ماافكر..
معرفشى اللى ح يجرالى..

اهو دا الغرام اللى مابينا..
كل اللى شفته معاك جنه..
والوقت جنبك بيروح قوام..
والبُعد عنك اكبر حرام..
نفسى اشوفك على الدوام..
وتكون معايا لما انام..
اهو دا الغرام

» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)