انا عايزه انساك..بقلمى(صابر)

انا عايزه انساك

مش صعب ان انسى واتوب م الحب..
مش صعب اشيل حبك م القلب..
ولا صعب انى ادعى ساعدنى يارب..
الصعب ان انت يكون لك قلب..
تتعبنى وسهل انى اتحداك..
واقطف من عمرى وروحى هواك..
سهل اتكلم وبعلو الصوت..
واحلف كت مره ومش حتعود..
بس لو ابعد عن قلبك اموت..

لا اكون عايشه ولا ليا وجود..
سهل اقولك عايزه انساك.
سهل انى اصرخ واتحداك..
وان ليله تفوت..
بس لو ابعد عن قلبك اموت..

انا عايزه انساك..وانت ساعدنى..
كتر م القسوه ح تبعدنى..
اتغير اكتر واهملنى..
خليك مش عارف تعاملنى..
وافضل كده دايما ماتشوفنيش..
انا دايبه ف حبك وانت تعيش..
نسينى هواك اللى تاعبنى..
نار بعدك ارحم ماتسيبينى..
استنى الوهم اللى مابيجيش..
نبعد عن بعض وبينا الحب..
احسن منكون مع بعض وغرب..

خلينى انساك وانت بتقدر..
تقسى على اللى يحبك اكتر..
اتعلم فيا تبيع وتسيب..
جرح بيوجعنى يااغلى حبيب..
خلينى اتوب عن حبك..
واحس مكانى ف قلبك..
واعرف ان انا ع الهامش..
وانك متهنى وعايش..
لما ح توجعنى ح اتوب..
وح اقول جرح ومكتوب..
وان كان على عمرى ف حبك..
كان عمر ومش محسوب..
وتعبت معاك..نسينى هواك..
انا عايزه انساك

» مش عايزه اموت..بقلمى(صابر)
» ليه انا..بقلمى(صابر)
» قلب مين..بقلمى(صابر)
» انت آسف..بقلمى(صابر)
» من بره بس..بقلمى(صابر)