انت مشيت..بقلمى(صابر)

موضوع: انت مشيت..بقلمى(صابر) 18/11/12, 04:49 pm

انت مشيت

انت مشيت..وانا خليت العالم يعرف انى بحبك..
انت مشيت..وانا خبيت..مقدرتش ابين قسوة قلبك..
كل وقت حلو عدى عليا جنبك سيبتهولك..
كل شىء انا شفته حلو عشان بحبك شيلتهولك..
كل حرف جميل تحن بيه عليا قلتهولك..
انت مشيت..وانا ضحيت..
بعت هوايا..واستغنيت..
قلت استنى تحس بجرحى ولا حسيت..
قلت ف مره تشوفنى وببكى ولا بصيت..
كنت اول تجربه.. لما صادفنا القبول..
انت مليت ليه بقى.. واتقلب حبك فتور..
ولا حنيت للشقا....واتملا قلبك غرور..
استغليت الثقه.. والعواطف والشعور..
همك كان نفسك بس..
لا بتسأل ولا بتحس..
تقفل كل الابواب..وبتنسى اننا احباب..
انت واحساسك ف الاول..
ياكدا ياتبيعنى وتتحول...
لما قلب يحب حد فوق الخيال..
لما حبه فاق وعدى الاحتمال..
فجأه يلقى كل حلمه ف انهيار..
واللى يفضل من هواه طعم المرار..
ونحاول نسأل ليه..تقسى على حبك ليه..
تضعف وتحس بعجز..
وتلاقى امالك عكس..
نفسك تعرف حيكمل..ويسيبك مايقولكش..
يقفل كل الابواب وكأنه مالوش احباب..
والحب اللى انت راعيته يتحول فجأه سراب..
ويعيش وانت بتتعذب..فى كلامه عنك يكدب..
وتشيل جواك ..
وتدارى اساك..
حبه علشان الحب..
وحبه عشان عندك قلب..
ازاى شفتها وياه حلوه .
وازاى هوه جاب القسوه..
وحتمشى ازاى وتسيبه وراك..
دا غرام عمرك ووجوده هواك..
حتى عذابك وشقاك واساك..
وتدوس ازاى وتخطى..
وازاى تقدر وتعدى..
انت مشيت

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)