نفس الدرس..بقلمى(صابر)

موضوع: نفس الدرس..بقلمى(صابر) 26/11/12, 09:20 am

نفس الدرس

كتير برجع لنفس الدرس..
واقول ابعد ومبيحصلش..
واهد الدنيا من يأسى..
واكون غضبانه من نفسى..
اخاصمك مره من نفسى..
لكن بضعف عشان مقدرش..

ومهما بقول محرمتش وبرجع وانت مبتسألش..
بتنسانى ولا ندمتش بهون انا ليه وليه متهونش..
وبحلف مايناديه لسانى..
ولايرتاح ف احضانى..
وعمرى مااسامحه من تانى..
واحاسبه لما خلانى..
بعيد عنه وبكانى..
ونفس الدرس..
بقول وارجع ف حلفانى..
ماليش غيرك حبيب تانى..
كأن الهجر ده محصلش..
وترجع تانى مبتسألش..
وانا ارجع..
لنفس الدرس..

بتتعلم وترجع تانى تبقى شديد..
وبتغير كتير قلبك بقلب حديد..
ومعرفشى اعيش ثانيه وانت بعيد..
بكون تعبانه ف الدنيا وجرحى يزيد..
ونفس الدرس بتعيده..
يعيد للقلب تنهيده..
لامنك خفت من بكره..
ولا الماضى دا كان عبره..
وتوجعنى بجرح جديد..

حبيبه بتشكى وتعانى..تجيب انت العذاب تانى..
كأن الجرح دا محصلش..
وترجع تانى مبتسألش..
وانا برجع لنفس الدرس..
مبيهمكش دنيتنا تضيع ف خصام..
ولا الحرمان وحرقتنا كأنه حرام..
تسيبنا نعيش ولو ايام..
بدون هجر وخصام والآم..
ويرجع تانى نفس الدرس

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)