ايهما افضل حب العقل ام حب القلب (صراع بين القلب والعقل)

الموضوع دة محيرنى جدا بس انا حابب انى اسئل حب القلب اللى الانسان يرتتبط بية ولا حب العقل

يعنى لو انت طبعا ممكن تفكر فى حد(حب العقل ) العقل بيفكر فية بس قلبك ممكن يقولك او فى احساس ان عقلك رافض الشخص دة بس قلبك مش رافضة والعكس

انا عايز اسئل انت لو بتحب حد من قلبك وبتحب حد تانى (حب العقل ) بتفكر فية انى واحد فيهم هترتبط بية
وشكرا لاحلى منتدى
ااتمنى منكم ردود ,,,,,,,,,,,,,,,,,,

فكرتونى باْغنيه مين السبب فى الحب..اسمحولى اقول رائى..انا معاكم جميعا فى حب العقل..لانكم كلكم اجمعتم ان حب العقل يكسب..ليه ؟..لانه بيحسبها صح ..مش كده..بيشوف ان الشخص ده مناسب من نواحى كتيره ماديه اقتصاديه ثقافيه الخ..لكن يحضرنى سؤال؟ هل فعلا دوام الحال من المحال ؟..اليس من الممكن ان تنقلب كل المقاسات التى بنى عليها العقل حساباته راسا على عقب؟..لو حدث ذلك.. وغالبا مايحدث..فانا اتحدى من يقول يوما ان اى اسره مصريه ممكن ان تحافظ على مستواها طول العمر..لابد ان يكون هناك تقلبات من كل الانواع على مدار الزمن..لو حدث ذلك؟ ماذا يقول العقل وقتها..ان كانت النكبه او البليه للزوج..عقل الزوجه على الفور سيقول اسالك الرحيلا..وان كان العكس بمعنى ان تكون البليه او النكبه للزوجه..عقل الزوج فى لمح البصر يذكره باغنيه عبد الوهاب ..اجرى . اجرى ولو كان هناك اولاد يمنعوه من الجرى فسيلجاْ الى اقرب الحلول وهو الزواج باخرى..تعالوا نتساْل معا..لو كان هناك عاطفه ومشاعر وحب بين الطرفين من منهما سيضحى بالاخر ويجرى ؟ ابدا...ده على العكس احيانا طرف يتنازل عن كل شىء من اجل الاخر وقد يحدث هذا فى نقل كليه مثلا للزوج او الزوجه لتكمل مسيره الحياه..لو كان الارتباط عقلانيا فقط فعلى الدنيا السلام لو لم يكن معك مايجذب من الاموال والرفاهيه لقضيتها وحدك حتى عندما تموت لا تجد من يكفنك..صدقونى الحب لاغنى عنه وهو حصن حصين اكبر من اى شىء بالعالم ياسعد من يجده فى ذلك الزمان

الحب لاغنى عنه وهو حصن حصين اكبر من اى شىء بالعالم ياسعد من يجده فى ذلك الزمان

انا رايي من رايك ياصابر

ما اجمل ان يجتمع الاثنان معاً

يا جماعه اعتقد ان السؤال الصح
كان اختيار الزوج او الزوجه عن طريق القلب ولا العقل افضل
دي اللي تكون موضع للنقاش
لان اذا وقع الحب
فلا اختيار للعقل
فالمحب لايري
لايسمع
لايتكلم
لايري عيوب من يحب ولو كانت
ولو كانت في سطوع الشمس
لا يسمع اي شئ يسئ اليهولو كان حقيقه واضحه
ولا يتكلم بما يجرحه
لذلك فالحب وحده لايكفي
والعقل وحده لايكفي
فالقلب تحكمه العاطفه
والعقل يحكمه المنطق
فما اسعد من كان اختياره باجتماع الاثنين