وماادراك ماالحب

موضوع: وماادراك ماالحب 20/02/09, 08:34 pm

الحب و ما ادراك ما الحب .. ركبى يسيبوا و قلبى يطب .. الحب الحب الحب!

كبيرة صغيرة .. طخينة رفيعة .. طويلة قصيرة .. حلوة أو وحشة .. سمرا و لا بيضا .. كل ده مش مهم مهما كان شكلك مهما كانت طباعك و صفاتك .. فيه حاجة فيكى مشتركة معانا كلنا .. و هو إحساسك بالحب و إحتياجك له لإنه يمتلك و يملأ عليكى كل حياتك .. و يحاوطك فى كل مكان .. هو ده الحاجة الوحيدة اللى مستحيل تزهقى منها مهما طاردتك .. إحساس جميل بيحسسك براحة غير عادية .. دنيا تانية ما حدش بيتمنى فيها حرية .. بالعكس سجن الحب بيكون أحلى بكتير من حرية الشرود فى لا شىء .. إحساس غريب بأن كل الناس حواليكى مجرد كائنات وهمية .. شخص واحد بس هو اللى حقيقى .. هو كل الحياة و كل الكائنات و كل الدنيا .. كلمة واحدة بس هى مفتاح الأمان و سر الإبتسامة الدائمة على ملامح الوجه كلها .. دنيا الخوف من المجهول تتلاشى أمام لحظة صفا و صدق و حنان .. حرية بلا حدود داخل إطار وردى شوكه لا يؤلم و إنما يذكر دائما بأن لحظة فى هذا الإطار تساوى أيام العمر كلها .. نظرات هادئة تحتوى بداخلها الحنان و كأنه عملاق قوى يلتهم كل مشاعرك لتصبحى فريسة ضعيفة بإراتك لتنعمى بمواساة القطة الصغيرة من قبل ما تحبين .. ابتسامات و همهمات كلها بواعث للبهجة التى تغمر قلبك فالحياة ستصبح فيها حبيب هو كل شىء و المحافظة عليه تعنى المحافظة على الحياة .. أفكار تتدفق فى خاطرك فيقرأها هو من داخل أعماقك و يمليها عليكى فى اذنك .. فتسلمى له كل شىء و تؤمنى بقوته الخارقة فى خلق السعادة و غرسها إلى روحك.
أنتى مع من تحبين ملكة متوجة و أميرة عاشقة من السهل أن تتنازلى عن تاج عرشك و تناديه بسيدى فى مقابل أن ترى صورتك لامعة فى ضوء عينيه .. أحضان الأيادى ليس عليها قيود و لم تعد لأى كلمة وجود ، فالأصابع تتكلم بلا أصوات و أنتى تشعرى بكلامها و تردى عليها بضمها و تتمنى فقط أن ترسل أصابعك إحساسها فى أقل من ثوانى .. أوقات كثيرة كثيرة و أيام و ساعات تمر عليكى و كأنها لحظات .. فحبه يسرق منك الحياة و أنتى تهنئينه على سرقته للحياة .. بل و ربما تتمنى أن تنتهى الحياة لحظة فراقه لتعود من جديد عندما تلتقين به .. كلمات تردديها لأول مرة لا تعرفى لها لغة و لا منشأ فهى لغة القلب و منشئها الحب و أنتى تكررى كل يوم معانيها دون أن تخططى لذلك فيتقبلها و كأنه أعلم منك بلغة قلبك و يستكمل ما تنسينه فى حديثك لتفاجئى بأنه هو من أوجد بداخلك هذه الكلمات .. فتتأكدى وقتها بأن ما تشعرين به هو "الحب الحقيقى" و لكن للأسف سينتهى كل شىء بمجرد إنتهاء الحلم و إستيقاظك من النوم .. فلا تحاولى أن تبحثى عن هذا الحب فى الحقيقة فلن تجديه سوى فى الأحلام!

موضوع: رد: وماادراك ماالحب 20/02/09, 11:58 pm

كلامك حقيقى بجد وحلو اوى
flower

موضوع: رد: وماادراك ماالحب 21/02/09, 08:23 am

كلام هااااااااااااااااااايل بجد يا شاعر

بس الانسان ممكن يلاقي الحب الحقيقي في حياته بس مرة واحدة بسسسسسسس ساعات يفضل طول عمره يدور عليه وفي الاخر يا صابت يا خابت بس المهم انه ميتهورش وميتسرعش عشان ميندمش في الاخر علي حاجة عملها

موضوع جاااامد اكيد كالعادة يا شاعر

موضوع: رد: وماادراك ماالحب 21/02/09, 01:21 pm

شكرا ياكتكوته على مرورك نورتى

موضوع: رد: وماادراك ماالحب 21/02/09, 01:24 pm

سموره منوره وعايز اقولك ان حكايه شاديه والقلب يحب مره مايحبش مرتين دى طلعت مش مضبوطه مع التطور والتقدم القلب ممكن يحب اكتر من مره مع تطور مراحل حياته يعنى لكل سن نضجها وحبها ودايما الاخير يكسب لان الانسان بيكون اكتر نضوج لكن مش مستحيل يعنى الحب اكتر من مره ومش مستحيل برضه ان حب واحد يعلم فى حياتنا طول العمر الامران مقبولان وشكرا لمرورك

موضوع: رد: وماادراك ماالحب 21/02/09, 02:56 pm

بصراحة كنت ماشي حلوفي الاول
وكانت الدنيا بنبي لية في الاخر يطلع حلم
بس بجد تسلم ايدك

موضوع: رد: وماادراك ماالحب 21/02/09, 04:19 pm

ياعصفوره اقرى تانى وخليكى مغمضه شويه هههههههههههه نورتى

موضوع: رد: وماادراك ماالحب 21/02/09, 04:51 pm

مين قال كده ياصابر
مش احلام الحب موجود دور عليه هتلاقيه حواليك فى كل مكان

موضوع رائع تسلم الايادى

موضوع: رد: وماادراك ماالحب 21/02/09, 06:02 pm

ماشى يانور منك نستفيد ندور تانى نورتى المشاركه

موضوع: رد: وماادراك ماالحب 21/02/09, 08:08 pm

لا يا صابر انا قصدي الحب الحقيقي البجد اليستاهل ان الانسان يضحي علشانه بحاجات كتير والتطور الفي الحب ده البيحصل دلوقتي الكل بياخده تسلية وحوارات وخلاص لكن برضه بيجيله مرة ويحب بجد ودى ساعات مبتتكررش في حياته غير مرة واحدة بس

موضوع: رد: وماادراك ماالحب 22/02/09, 09:01 am

اوك سموره بس النوعين موجودين القلب صاحب التجربه الواحده والقلب الترانزيت اللى ممكن ينزل فى اكتر من مطار على مدار حياته وبرضه بيعرف يحب بس موجود

موضوع: رد: وماادراك ماالحب 22/02/09, 04:33 pm

كلام حلو اوي وروعة كمان
ممكن يكون حلم وممكن يقظة
وزي ماقلت بيمر عبر محطات من العمر وبيكون حب بمعنى ما تحمله الكلمة من احاسيس صادقة في محطةالنضوج

فالحب هو حاله من التقارب الحسي والروحى بين القلوب

وليس سعلة كما يتوهم البعض هو احساس لا يستأذن احد الأطراف للدخول إلى القلب
من يحب بقلبه لا يحب بعيونه فلا يفرق بين الحلوه او غيرها
لان الحب موطنه القلب وليست العيون

والحب يجب أن يكـون وديعـة مهذبـة للغايـة وان نأخـذه بجديـه إذا أردنا أن يعشقنـا من نريـد أ ن نعشقــه
تحياتي وتقديري

موضوع: رد: وماادراك ماالحب 22/02/09, 08:49 pm

شكرا لردك ومرورك ياسنؤه نورتى

موضوع: رد: وماادراك ماالحب 23/02/09, 02:13 pm

انا مش عرفة انت مالك ومال الحب في بينك وبينة طار ولا اية
انت شكل عندك عقدة منة

موضوع: رد: وماادراك ماالحب 23/02/09, 08:56 pm

بالعكس ياعصفوره لاعندى عقد ولا بينا تار الحب لحن جميل واذا كنتى فاهمه انى انا وهوه اعداء تبقى غلطانه ولو عندك وقت بصى بصه على باب بقلم الاعضاء تعرفى ان الحب صديقى الدائم وعموما اشكرك على رايك الصريح

موضوع: رد: وماادراك ماالحب 03/03/09, 11:03 pm

مشكور علي الموضوع

موضوع: رد: وماادراك ماالحب 04/03/09, 09:32 am

شكرا على المرور