كلام!!!!!خليه في سرك!!

موضوع: كلام!!!!!خليه في سرك!! 31/03/09, 07:51 pm

الكلام الرومانسى جدااااا اللى الولاد بيقولوه
تفتكرو بيقولو كل الكلام؟؟
ولا نصه بس والباقى بيبقى ف سرهم؟؟؟

اقرو وقولولى الرد .....

يا ريت فيه كلمه تعبر ع اللى انا حاسس بيه غير بحبك
(لانى فى الحقيقه مبحبكيش)

اول مره اقول كلمه بحبك لواحده
(اكيد هتصدقينى لانك هبله طبعا)

انتى كنتى اجمل واحده فى الحفله امبارح
(بس ابقى اعملى عمليه تجميل فى ودانك ومناخيرك وبقك)

حنتجوز طبعا يا حبيبتى بس ادينى فرصه 6 شهور
(وبعدها مش هتشوفى وشى تانى)

بحس دايما انى مسئول عنك
(فى الحاجات اللى متكلفش )

بتبقى حلوة اوى وانتى بتبكى
(بس فاهم دموعك كويس ومش هتجوزك)

انا مستاهلكيش
(وهتكتشفى بعدين الحقيقه دى بنفسك)

ازاى كنت عايش من غيرك قبل كده
(اكيد احسن من دلوقتى وع العموم قربت ارجع اعيش من غيرك تانى)

طول الليل بحلم بيكى
(اللهم احفظنا من الكوابيس)

كلمه منك واقاطع كل الناس
(الا ميمى وسوسو وتوتو و ........)

ماالقمر الا انعكاس لوجهك حبيبتي
( في الليالي المظلمة )

لما اشوفك يروح مني الكلام وانساه
( من الصدمة )

عيونك احلى مافيكي
(لما تلبسي نظارة الشمس)

تتجوزيني ياحبيبتي
( يارب تقول لا يارب تقول لا )

وحشتيني ووحشني كلامك
( اللي زي الدبش )

ها ايه رأيكو؟؟؟
بيقولو كل الكلام؟؟؟

موضوع: رد: كلام!!!!!خليه في سرك!! 01/04/09, 01:04 am

لما البنات فاهمه الكلام ده
ليه بيوصفوهم بالسذاجه

موضوع: رد: كلام!!!!!خليه في سرك!! 01/04/09, 05:06 am

السر فى بير يا سمسم سوكمون بوكمون
وهانعمل ولا واخدين بالنا لما نشوف اخرتها ايه مع انفصام الشخصية اللى عنهم ده
تسلم ايدك مشاركة جميله بجد

موضوع: رد: كلام!!!!!خليه في سرك!! 01/04/09, 01:39 pm

ما هيه سذاجه بمزاجهم يا مصطفي هههههههه
سعيده بمرورك وردك
شكرا ليك

موضوع: رد: كلام!!!!!خليه في سرك!! 01/04/09, 01:41 pm

والله رد عسل زيك يا دريم
وشكرا لردك ياقمر

» كلام من الاخر
» حبك كلام..
» كلام فى الحب
» كلام فى الحب
» كلام فى الصميم