أشهر الجمل اللى بنسمعها فى بيوتنا

طبعا واكيد بلا شك الواحد سمع الكلام الي هيتقال دلوقتي لحد ما شبع وممكن يسمعه عن ظهر قلب كمان.........ويا رب تكمل قرأت الموضوع قبل ما تعترضك جملة من الجمل التالية من الحاج الوالد او الحاجة الوالدة....ويا رب يخليهم ويكرمهم يارب

انت فاكرنا لاقين الفلوس ديـــ في الشارع .
* ما تتكلمش بصوت عالي في الحمام .
* والله ما انت فالح .. وادي دقني أهه .
(هههه كنت بسمعها في الثانوية العامةكتييييييييير)
* ما تنمش غير لما تغسل سنانك .
* ما تلزقش في التلفزيون كده .. نظرك هيضيع .
(مش هيضيع على التلفزيون...هيضع على النت..هيضيع على الكتب...يعني ضااايع ضااايع)
* سلم على عمك كويس يا ولد .
* يا ابني محدش هينفعك .
* ما تطلعش ايدك من الشباك .
* قصة الغريق الكاذب اللي كل مره يقول الحقوني ... لحد ما غرق بجد .
* ربنا يرزقك بعيل يوريك اللي ورتهوني .
* ما تطلعش على الملايه النظيفه و رجليك متوسخه كده .
* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟
* طلع ايدك من جيبك و انت بتكلمني .
* ايه الا مبالاه و الاستهتار اللي انت عايش فيهم دول .
(هههه..الكلام على مين!!)
* قوم اقرا لك كلمتين ينفعوك .
(قال يعني هينفعوني..)
* وطي المدعوق ده شويه
(وفي رواية اخرى..الزفت)
*
انت فاكرنا نايمين على ودانا ؟
* يا ابني انت مسطول ولا ايه ؟
* ما تلبسش القميص على اللحم زي العيال الصايعه .
* كلمنا لما توصل .
*متكلش اكل من برا
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* لازم تأكل سلطه .
* اوعى تكدب عليا كده تاني مرره .
* اوعى حد غريب يديلك حاجه تاكلها و تشربها و تاخدها منه .
* يا ابني كلم خالتك العيانه اسأل عليها .
* بلاش لعب في الشارع .
* ما تعليش صوتك .
* وانت فاكر احنا مستنيين منك حاجه .
* المسلسل مش هينفعك ...قوم .
* ما تقعدش قدام المروحه وانت مستحمي .
* كفايه رغي في التليفونات .
* بلاش وقفة الشبابيك و البلكونات .
* اوعى تقول لحد هاتلي حاجة .
* كل على مهلك .. وامضغ كويس ... وما تكلش وانت واقف .. وكل من قدامك .
* اطفي التلفزيون وقوم ذاكر . أو اطفي التلفزيون و خش اوضتك .
* ربنا يهديك ربنا يهديك ... وأحيانا .. انك تهدي من أحببت .
(تيرااا...رااا...راااا)
*
صليت العصر ؟!
* ما تمشيش حافي في السقعة دي
* ما فيش مذاكرة على المزيكا .. أو .. بتذاكر إزاي و البتاع ده شغال جنبك .
* افرد ظهرك .
* ما تتأخرش بعد الكلية و تقعد تصيع مع أصحابك .
* بص كويس و انت بتعدي الشارع .
* ومالها الكتب بتاعة الوزاره ؟!
* اللي بيشيل قربه مخرومة بتخر عليه لوحده أو علي دماغو..
* لو مش فاهم حاجه ارفع ايدك و قول للدكتور مش فاهم .. متتكسفش
(وابقى قابلني لو خت حق ولا باطل..مجرب الموضوع داه) .
* تقعد في أول صف قدام السبوره .
* ما تردش عليا .
* مش عايز اسمع صوت .
* مالكش دعوة بالسياسة .. وماتمشيش في مظاهرات .
* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .
* و أخيرا ::
ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا
ههههههههههههه وكل سنة واتنم طيبين