....اعرف....

موضوع: ....اعرف.... 15/04/09, 12:05 pm

اعرف.
.لو تحب يعنى تعرف.
.لويهمك حتى تعرف.
.ان بعدك خط فاصل.
.البعد بيجيب الفواصل
والغياب فى السحاب غير الموده والتواصل
انت فاكر لما يعنى تروح تسافر.
.لو نويت ترجع تشوفنى ح ابقى قادر.
.اعرف.
.ان دى نقطه تحول.
.خدها فى حسابك م الاول.
.وابقى فرق بين حنينا.
.قبل ماتفرق مابينا.
.شوف وجودى فى الحياه.
.لما يبقى آه و آه.
.لما يبقى كل واحد ف اتجاه.
.عيش حياتك مامنعكش.
.طير ورفرف ماحرمكش.
.افتكرت اللحظه ديه انى ابدا مااملككش.
.لو عينيك ح تنام ح تعرف
انى بحكم قبل مااعرف.
.بس عمرك لما تبعد ليله طعم النوم ح تعرف.
.اعرف.
.ان ده ذنب السهارى
اللى سايبهم حيارى.
.م البكا جفت دموعهم ياما سالت وبحراره.
.اوعى تنسى تبص جنبك.
.شوف ساعتها مين اللى جنبك.
.اللى كان بيحب حبك.
.ولا حد اختاره قلبك.
.ولا حد مالوش ملامح او سمات.
.ح اعمل ايه الله يسامح ع اللى فات.
.متاخدش ولا منديل معاك.
.مش ح تشوف الدموع هناك.
.تتمنى تيجرى تريحك.
.مش ح ترضى تروح معاك.
.اعرف
قد ايه حبيت
واتمنيت
عشت واترجيت
واستنيت
حلمت بألف ياريت.
.اعرف.
.انى انا اتهديت واتهزيت.
.اعرف
انى وحدى بقيت وانت نسيت.
.اعرف.
.اللى فات كان اختيارى.
.واللى جاى بأختيارك.
.ابتدى احسب وفرق.
.بين مرارى وبين مرارك

موضوع: رد: ....اعرف.... 15/04/09, 12:17 pm

كلمات تقطر الما ولكتها فى قمة الروعة والجمال يا صابر
يعجز قلمى حقا عن التعبير عن مدى روعة ما تكتبه وعن اجادتك فى اختيار كلمات معبره عن كل حالة شعريه تكتبها
ولا يبقى الا ان اقول
دمت متألقا ومميزا ومتجددا
ودائما اقف على اعتاب قلم الاعضاء انتظر ما سيجود به نبض قلمك المعبر

موضوع: رد: ....اعرف.... 15/04/09, 07:58 pm

شكرا دريم لا اجد كلمات اعجزتينى امام فصاحتك شكرا ليكى على المجامله

» اعرف نفسك من شخابيطك
» اعرف نفسك من الوانك
» اعرف قدر ماتملكه قصة جميلة
» اعرف مين عامل اوف لاين
» اعرف نفسك من اول حرف باسمك