يبقى ماكنش حب

يبقى ماكنش حب..
يعنى ماكنش عشق..
يبقى ماكنش ود..
ولا كان شوق بجد..
كنت أى حد ..
وزى أى حد..
تقوله كلمه حلوه..
لما تجيبه الارض..
يعنى كنت نزوه..
مش بنحب بعض..
لحظه ولا تسوى
مش أحساس بجد..
وأما أرتاح لهيبك مش بيجينى رد..
واللى باقيلى منك كله عذاب وصد..
يعنى ماكنش حب..
مش شعور بقلب..
حاجه وأحتياج..
وقت أقضيه معاك..
وأما بقيت هناك..
ونسيت الملاك..
رجعت لشيطانك..
ورجعت لآساك..
ماهمكش عشره..
ولاهمك هواك..
زى أى نزوه..
لما ساعتها تحلى..
وأما يروح حنينك ماتبصش وراك..
وتبيع اللى صانك..
وتغير كلامك..
كل حرف قلته كان وقت أمتلاك..
وأرتحت وعملته..
ورمتنى وراك..
يعنى كان ملاطفه..
وقت الانسجام..
حبه نار ولهفه..
مش عشق وغرام..
كان تسالى رغبه..
مش حب ومحبه..
راح الشوق هديت..
وكأنك ماجيت..
يبقى أكيد لقيت..
حد جديد غواك..
رحت وأبتديت..
واللى فات نسيت..
وفارقت ورميت..
كل شىء وراك..
أنت اللى ياما أترجيت..
أنت اللى ياما أستنيت..
وياما ليالى شكيت وبكيت..
لما لقيتنى خلاص حنيت..
بتعرفنى انك مليت..
لا غلطان..
اللى يبيع كده مش أنسان..
والتسالى فى كل مكان..
لو على نزوه..
وكام ساعه حلوه..
أنا عمرى م حااكون عطشان..
أنت اللى نهايتك مش حلوه..
الخاين ييجى يوم يتخان