ماتقطعش خيوط تربطنا

موضوع: ماتقطعش خيوط تربطنا 20/10/09, 10:52 am

ماتقطعش خيوط تربطنا..
ماتصعبش علينا حياتنا..
خليك متمسك بوجودنا..
باقى على اللى عليه أتعودنا..
ماتفكرش أزاى تبعدنا..
لو فكرت كده تموتنا..
ماتضيعش جمال علاقتنا..
وترخص احلام جمعتنا..
كنا بنحلم تملا حياتنا..
أحلام.. لكن فيها راحتنا..
ياما قابلنا حاجات جرحتنا..
دوسنا عليها ولا بعدتنا..
وأتحملنا صعاب قابلتنا..
كسرناها عشان ارادتنا..
اكبر من كل اللى ياخدنا..
ويخلينا نبيع سعادتنا..
ليه دلوقتى بقيت تتشرط..
وبتتحكم عشان أغلط..
قصدك يعنى خصام وبعاد..
اللى بقيت بتحبه ساعات..
قصدك يعنى دموع وعياط..
والأيام دى كمان بالذات..
لما بقيت بتنفس منك..
عايش طول الوقت كأنك..
روحى عندك..وسنينى معاك..
بطل عندك..وأنسى آساك..
سيبنى أفرحلى يومين وياك..
ماتقطعش خيوط تربطنا..
ماتضيعش جمال فرحتنا..
خلينا نفرح بحياتنا

» خيوط العنكبوت بعد المطر سبحان الخالق