علمتنى الغرام

موضوع: علمتنى الغرام 06/02/10, 07:50 pm

علمتنى أعيش بقلبى..وأتحدى بيك كل الوجود..
فهمتنى ان الدنيا حبى..خلتنى بيك بعيش وأموت..
شربتنى كل الحنان لقيت آمان فاق الحدود..
علمتنى أزاى أحبك حبيتك أنت حب مووت..
ونسيت تقوللى أعمل أيه لما أخسرك..
أعمل أيه وأنده لمين يفكرك..
نفسى أداوى الالام..
وأنسى جراحك أوام..
علمتنى الغرام..
ولا كملتش علام..

فهمتنى انك سكن وانك أحن من الحنان..
كل اللى شفته معاك شجن شيبتنى قبل الآوان..
كل ليله معاك بقصه..
اللى خلصت واللى لسه..
ياما شفت معاك ولسه..

اتمنيت م الحب حنان..
شفت معاك كل الالوان..
علمتنى الغرام..
ولا كملتش علام..

ياما فتشت فى نفسى أدور يمكن ألاقى عيوب..
يمكن كل الناس مش شايفه وغاويه قلوبها تدوب..
كل جمال يتقرب منى..
أنت وبس بتبعد عنى..
علمتنى فى الحب وبس..
أعمل ايه ف اللى مابيحس..
نفسى أداوى الالام..
وأنسى جراحك أوام..
علمتنى الغرام..
ولا كملتش علام

موضوع: رد: علمتنى الغرام 07/02/10, 02:44 am

فهمتنى انك سكن وانك أحن من الحنان..
كل اللى شفته معاك شجن شيبتنى قبل الآوان..
كل ليله معاك بقصه..
اللى خلصت واللى لسه..
ياما شفت معاك ولسه..

اتمنيت م الحب حنان..
شفت معاك كل الالوان..
علمتنى الغرام..
ولا كملتش علام..

متألق كهدى بك دائما يا استاذنا
تمنياتى لك بالتوفيق دائما

موضوع: رد: علمتنى الغرام 07/02/10, 03:38 pm

اشكر مرورك وتشجيعك سيدتى اسعدنى تشريفك جدا

موضوع: رد: علمتنى الغرام 08/02/10, 11:49 pm

يا شاعر الحب والغرام شكرا على أحلى كلام
أنت بالنسبة لي أحمد شوقي الحب و الغرام

و لازم أحفظ شعرك

موضوع: رد: علمتنى الغرام 08/02/10, 11:54 pm

شكرااااااااااااااااااااااااااا

موضوع: رد: علمتنى الغرام 09/02/10, 10:54 am

كل الشكر ليك ياتيفا وربنا يجبر بخاطرك نورتنى بتشريفك