قاعد مستنى مكالمه بس منها وفجأه رن التليفون
دى رنه مخصوصه علشانها رديت بشوق مجنون
سمعتها بتقول صدقت يارق واغلى انسان
بعد فرحتى انا سكتت وسمعت بحبك كمان
اتارى الكلام مش ليا وواحد غيرى بيرد عليها
تليفونها اتصل لوحده بيا اتصلت مش حاسه بايداها
فضلت ماسك التليفون بايدى ومش مصدق اللى انا بسمعه
عقلى عمال يروح ويجى وقلبى تاه مش عارف ارجعه
سمعتها بتقوله كلامى اصلى كتبت فى جمالها كتير
بتقوله انت حبيب ايامى نفسى اعيش معاك عمر كبير
وفجاه لقيتنى بسرعه وقعت لما لقيتها بتوصف عنيه
قالتله من غير عيونك ضعت وحضنك مشتاقه انا ليه
حضنك ياحبيبى دافى كان نفسى فيه انا من زمان
صوتك وحده مش كافى ضمنى ياحبيبى ضمنى كمان
نفس الكلام اللى كانت بتقوله ليا سمعتها دلوقتى بتقوله ليه
هى اسطوانه بتدور على كل الدنيا بتقوله لاى حد ادامها تلاقيه
وانا ماسك التليفون وبجد مسهم ساكت خالص مش حاسس بحاجه
مش عارف اضحك ولا اتالم وعيونى سارحه فى ميه حاجه
فجاه سالته الساعه كام قالها مش عارف تليفونى مش لاقيه
قالتله لازم امشى اوام فين تليفونى اشوف الساعه فيه
مسكت التليفون بتبص لقيت فى مكالمه مفتوحه
قالت من غير حس زى ما تكون هى المجروحه
الو ايوه مين وطبعا اسمى على التليفون مكتوب
اوك نتكلم بعدين ضحكت والدمع من عينى مسكوب
وفجاه لقيتنى برد قولتلها انتى بتقولى ايه
هو انتى معاكى حد خايفه يسمع الى بتقوليه
قالتلى انت هنا من امتى قولتلها بصى فى التليفون هاتعرفى
انا سمعت كل حاجه حتى وانتى فى حضنه وفجماله بتوصفى
سمعته بيقولها مين قالتله دى واحده صاحبتى
وقالتلى نتكلم بعدين وهاعدى عليكى فى سكتى
وقولتلها خايفه تقوليله مين قوليله دا حب سنين وعشانك بعته فى ثانيتين
قوليله دا اللى كان مضحى بنفسه عشانى
وكل ما الدنيا تجرحنى بلاقى حضنه مكانى
قوليله دا اللى كان بيحبنى بجنون
وكل ما اظلمه يقول ياحبيتى انا اللى انانى
قوليله انا ابقى مين ولا خلاص مالوش لزوم
قالت نتكلم بعدين قولت ليه مباقاش بنا لوم
مافيش بعد الخيانه عتاب بس فيه بعد الخيانه فراق
خلاص مبقيناش احباب وقلبى من وهمك خلاص اهو فاق
اسف سمعت المكالمه غلط واعتبرينى مسمعتهاش
حبنا من الاول كان غلط واهو قلبى ضاع بلاش
قفلت التليفون فى وشها وحطيته على الارض
مسحت دموعى فى وقتها ومش هابكى خلاص على حد
منقوووووووووووول
موضوع: مكالمة تجرح أووووووووووى 
12/02/10, 12:52 pm
