..كدبت الناس..

موضوع: ..كدبت الناس.. 12/04/10, 07:35 pm

كدبت الناس

الكل قالولى عليك..
الكل مشكك فيك..
وأنا أكدب فيهم..وأتجنى عليهم..
أهرب من كلامهم..
وأتعمد خصامهم..
أغمض عينيه وأسد فى ودانى..
لا شوف ولا أسمع..أى حد تانى..
لامونى بذنوبك..
واجهونى بعيوبك..
وأنا م الحب نظرى لحدك يادوبك..
بشوفك ملاك..
الأحلام معاك..

وأضحك على نفسى بأخلاصك..
وبطمن روحى بأحساسك..
وأشرب وأتجرع من كاسك..
وأعملك دنيا على مقاسك..

وبشوف أعذار تعفرلك أى آسيه..
من شوقى بقدملك روحى هديه..
من ضعفى تلاقى أسباب تستقوى بيها عليه..
وبقيت مش شايف أبدا منى الا ضحيه..

كل الناس نصحونى أستنى..
ولا أصورش غرامك جنه..
قولت أعلم فيه بحنانى..
وأعمل منو أنسان تانى..
يبقى حبيب مخلص علشانى..

أتمنيت انسان يتحب..
يسعد ويهنيلى القلب..
بس خساره..
بعد دا كلو أكون غلطانه..
دا لا أحساس..ولا أخلاص..
صدقتو وكدبت الناس

» اغنية سما كدبت قلبى
» انت كدبت عليه..بقلمى (صابر)
» معقول كدبت..بقلمى(صابر)
» مع ....بعض الناس......
» رضــا الناس