ليه بتحب ماتتكلمش

موضوع: ليه بتحب ماتتكلمش 04/05/10, 01:18 pm

لما قالولك انى بحبك.. ليه حسيتك أتغيرت..
شفت ف عينك رجفه قلبك ..أتخضيت ولا أستغربت..
انا مافتنتش حتى عليك..
ولا قولت لمخلوق أخلاصك..
وماسلطتش حد عليك..
يسأل او يعرف أحساسك..
من جوايا حسيت بيك..
قلبى وروحى قالولى عليك..
مش محتاجه أفتش وأعرف..
شوقك باين جوه عينيك..
بس انا ح اتجنن واسمعها..
واعرف انى بأثر فيك..
اى حبيبه بيمتعها..
تلاقى غرامها مشعلل فيك..
قولهالى مره الله يخليك..
نفسى أشوف تأثيرى عليك..
مره فى عمرى..أسمع منك..أنا بحبك..لو بعينيك..

لما قالولك انى بحبك كنت ح اموت واسمعلك صوت..
أسمع ردك وأعرف قلبك فيه ايه عنى قبل مااموت..
بس تقيل مابتتكلمش..
بتقاوم ولا بتسلمش..
بس أنا برضه مابحرمش..
وهفضل احاول واسال واعرف..
ليه..بتحب ماتتكلمش..

» بتحب إيه..بقلمى(صابر)
» تحميل رامى جمال بتحب تعيش لنفسك
» بتحب المنتدى ونفسك يكبر بجد واسمه يلمع وكل الناس تعرفه؟